ដោយ សូរ្យរិទ្ធ៖

ថ្ងៃទី ១០ ខែតុលា ឆ្នាំ ២០២១ មជ្ឈមណ្ឌលស្ទង់មតិ«នីដាផូល» វិទ្យាស្ថានជាតិអភិវឌ្ឍន៍រដ្ឋបាល (នីដា) បានបង្ហាញលទ្ធផលនៃការស្ទង់មតិជាសាធារណៈអំពី«ឧត្តមសេនីយ៍ ប្រាយុទ្ធ នឹងបញ្ហានយោបាយ ៣ ប្រការ គឹ រំលាយសភា - រុះរើគណៈរដ្ឋមន្ត្រី - ធ្វើនាយករដ្ឋមន្ត្រីដល់អាណត្តិ ៨ ឆ្នាំ» ដែលបានធ្វើឡើងនៅចន្លោះថ្ងៃទី ៥-៨ ខែតុលា ឆ្នាំ ២០២១ ពីមនុស្សដែលមានអាយុចាប់ពី ១៨ ឆ្នាំឡើងទៅ នៅគ្រប់តំបន់ កម្រិត​ការ​អប់រំ និងមុខរបរនៅទូទាំងប្រទេសសរុបចំនួន ១.៣១១ ផ្នែក ដែលផ្អែកលើការយកគំរូតាមប្រូបាប៊ីលីតេ(Simple Random Sampling) ពីមូលដ្ឋានទិន្នន័យសម្ភាសតាមទូរស័ព្ទដោយកំណត់តាមការជឿជាក់ ៩៧% ។

1-ពីការស្ទង់មតិ នៅពេលសួរអំពីមតិសាធារណៈលើករណីនេះ ភាពមិនច្បាស់លាស់នៃរដ្ឋធម្មនុញ្ញទាក់ទងនឹងការកាន់តំណែងរបស់នាយឧត្តមសេនីយ៍ ប្រាយុទ្ធ ចាន់អូឆា ជានាយករដ្ឋមន្រ្តីមិនលើសពី ៨ ឆ្នាំបានរកឃើញថា ៤០,៧៣% និយាយថា នាយករដ្ឋមន្រ្តីគួរតែប្រកាសថា ៨ ឆ្នាំកាន់តំណែងមិនលើសពីខែសីហា ២០២២ បន្ទាប់មក៣៨.៣៧% និយាយថា នាយករដ្ឋមន្រ្តីគួរតែបញ្ជូនរឿងនេះទៅតុលាការធម្មនុញ្ញ ដើម្បីបកស្រាយឱ្យបានឆាប់តាមដែលអាចធ្វើទៅបាន និង ១៥.០៣% និយាយថា នាយករដ្ឋមន្ត្រីគួរតែនៅស្ងៀមហើយមិនធ្វើអ្វីសោះ ហើយ ៥.៨៧% និយាយថា គាត់មិនដឹង /មិនឆ្លើយ/មិនខ្វល់ ។

2-នៅក្នុងមតិសាធារណៈស្តីពីការរំលាយសភាតំណាងរាស្រ្តនាពេលបច្ចុប្បន្ន ដើម្បីឲ្យមានការបោះឆ្នោតថ្មីឃើញថា ៤០,៣៥% បាននិយាយថា សភាតំណាងរាស្ត្រគួរតែត្រូវបានរំលាយឱ្យបានលឿនបំផុត, បន្ទាប់មក ៣០,០៥% បាននិយាយថា សភាគួរប្រេកាសរំលាយក្រោយពីច្បាប់បោះឆ្នោតតំណាងរាស្ត្រ ត្រូវបានកែសម្រួលស្របតាមរដ្ឋធម្មនុញ្ញ, ២២,១២% និយាយថា មិនត្រូវរំលាយសភាតំណាងរាស្រ្តឡើយ នៅចុងបញ្ចប់នៃអាណត្តិ ៤ ឆ្នាំ, ៥.៧២% បាននិយាយថា សភាតំណាងរាស្ត្រគួរតែត្រូវបានរំលាយមុនពេលជជែកដេញដោលដកសេចក្តីទុកចិត្តនៅឆ្នាំក្រោយ ហើយ ១.៧៦% និយាយថា ពួកគេមិនដឹង/មិនឆ្លើយ/មិនខ្វល់ ។

3-នៅទីបំផុតនៅពេលសួរអំពីមតិសាធារណៈស្តីពីការរុះរើគណៈរដ្ឋមន្ត្រី ៥០,៣៤% បាននិយាយថា គួរមានការរុះរើគណៈរដ្ឋមន្ត្រី, បន្ទាប់មក ១៨,៩២% និយាយថា មិនគួរមានការរុះរើគណៈរដ្ឋមន្ត្រីទេ, ១២,៣៦% គួររុះរើគណៈរដ្ឋមន្ត្រី ដោយរើសយកអ្នកក្រៅមកជំនួសតំណែងពីរនៅក្នុងកូតាគណបក្ស(ផាល័ងប្រៈឆារ៉ាត់), ១១,៨២% និយាយថា គណៈរដ្ឋមន្ត្រីគួរតែត្រូវបានរុះរើតែក្នុងមុខតំណែងទាំងពីររបស់គណបក្សផៈល័ងប្រៈឆារ៉ាត់ និង ៦,៥៦% បាននិយាយថា មិនស្គាល់/មិនឆ្លើយតប/មិនចាប់អារម្មណ៍ ៕