រសៀលថ្ងៃម្សិលមិញ (១៣ មីនា) ហ្វូងមហាជនថៃបានណាត់គ្នានៅសួនអនុស្សាវរីយ៍ប្រជាធិបតេយ្យ និងធ្វើដំណើរបន្តតាមផ្លូវថ្នល់ដោយមានបដាសរសេរឃ្វៀកៗ មានដូចជា «មេដឹកនាំល្ងង់ ទើបប្រជាជនលំបាក», «អំណាចជារបស់ប្រជាជន» ។ គោលបំណងរបស់ពួក ដែលរួមគ្នាធ្វើបាតុកម្មថ្ងៃនេះ បានអំពាវនាវ ៤ ចំណុចទៅរដ្ឋាភិបាលលោក ប្រាយុទ្ធ៖
១. សុំឲ្យដោះលែងក្រុមគណៈរាស្ត្រដែលត្រូវឃុំខ្លួននៅពន្ធនាគារ
២. សុំឲ្យប្រជាជនមានសិទ្ធិក្នងការដោះស្រាយរដ្ឋធម្មនុញ្ញ
៣. សុំលុបចោលច្បាប់ មាត្រា 112
៤. សុំឲ្យឧត្តមសេនីយ៍ឯក ប្រាយុទ្ធ ច័ន្ទអូឆា នាយករដ្ឋមន្ត្រី លាចេញពីតំណែង ។
រយៈពេលនៃការធ្វើបាតុកម្ម ត្រូវបានក្រុមបាតុករបញ្ជាក់ថា មិនមានកំណត់ទេ រហូតគោលបំណងរបស់ពួកគេត្រូវបានដោះស្រាយ ៕
ពីវេបសាយ springnews
ដោយ ម៉ារ៉ា