យន្តហោះចម្បាំងរបស់រុស្ស៊ីបានវាយឆ្មក់មូលដ្ឋានឧទ្ទាមក្រោមដីមួយនៅក្នុងទីក្រុងផាលមីរ៉ា (Palmyra) ភាគខាងជើងប្រទេសស៊ីរី ដោយបានសម្លាប់អ្នកប្រយុទ្ធប្រមាណ ២០០ នាក់ ។

នៅក្នុងសន្និសីទកាសែតនាថ្ងៃទី ១៩ ខែមេសា លោក អាឡិចសាន់ឌ័រ កាពៅ អនុប្រធានមជ្ឈមណ្ឌលផ្សះផ្សារភាគីនានានៅស៊ីរីបាននិយាយថា ក្រុមអ្នកប្រយុទ្ធកងទ័ពអាកាសរុស្ស៊ី បានវាយប្រហារគោលដៅនៅទីប្រជុំជនចាស់ផាលមីរ៉ា ប្រទេសស៊ីរី បំផ្លាញមូលដ្ឋានឧទ្ទាមនៅក្រោមដីនៅទីនេះ ។

លោក កាពៅ បាននិយាយថា កងកម្លាំងរុស្ស៊ីនៅក្នុងប្រទេសស៊ីរីបានទទួលការស៊ើបការណ៍សម្ងាត់ថា ក្រុមឧទ្ទាមបានបង្កើតមូលដ្ឋានក្រោមដីមួយនៅផាលមីរ៉ា ដែលត្រូវបានគេជឿថាជាកន្លែងលាក់ខ្លួនរបស់ក្រុមឧទ្ទាមដើម្បីរៀបចំការវាយប្រហារ និងស្ថាប័នភេរវកម្មដែលជាការបង្កើតឧបករណ៍ផ្ទុះ ។  បន្ទាប់ពីកំណត់ទីតាំងនៃគោលដៅទាំងនេះហើយ កម្លាំងកងអាកាសអាកាសរុស្ស៊ីបានធ្វើការវាយប្រហារតាមអាកាសប្រឆាំងនឹងពួកគេភ្លាមៗ ។

លោក កាពៅ បាននិយាយថា ជាលទ្ធផលខ្មាន់កាំភ្លើង ២០០ នាក់ត្រូវសម្លាប់ រថយន្តភីកអាប់ ២៤ គ្រឿងភ្ជាប់កាំភ្លើងយន្តធុនធ្ងន់ ក៏ដូចជាគ្រឿងផ្ទុះ ប្រហែល ៥០០ គីឡូក្រាមត្រូវបានបំផ្លាញ ។

មន្ត្រីរុស្ស៊ីបន្ថែមថា ក្រុមប្រដាប់អាវុធខុសច្បាប់នៅក្នុងប្រទេសស៊ីរីគ្រោងនឹងធ្វើការវាយប្រហារភេរវកម្មប្រឆាំងនឹងទីភ្នាក់ងាររដ្ឋាភិបាលនៅតាមទីក្រុងធំៗ ដើម្បីធ្វើឱ្យមានអស្ថិរភាពនៅមុនការបោះឆ្នោតប្រធានាធិបតី ដែលរំពឹងថានឹងប្រព្រឹត្តទៅនៅថ្ងៃទី ២៦ ខែឧសភាខាងមុខនេះ។ ក្រុមភេរវករត្រូវបានទទួលការបណ្តុះបណ្តាលនៅក្នុងជំរុំនានា «នៅក្នុងតំបន់ដែលរដ្ឋាភិបាលស៊ីរីមិនគ្រប់គ្រងរួមទាំងនៅតំបន់ At-Tanf ដែលត្រូវបានគ្រប់គ្រងដោយកងទ័ពសហរដ្ឋអាមេរិក» ។

កងទ័ពអាកាសរុស្ស៊ីបានដើរតួនាទីយ៉ាងសំខាន់ក្នុងយុទ្ធនាការយោធារបស់រុស្ស៊ីនៅស៊ីរី ចាប់តាំងពីឆ្នាំ ២០១៥ មក បន្ទាប់ពីប្រធានាធិបតីស៊ីរីលោក បាសារ អាល់អាសាដ បានស្នើសុំឱ្យរុស្ស៊ីជួយប្រយុទ្ធប្រឆាំងនឹងអំពើភេរវកម្ម ។  បច្ចុប្បន្នរុស្ស៊ី ទួរគី អ៊ីរ៉ង់ ជាប្រទេសដែលធានានូវបទឈប់បាញ់នៅស៊ីរី ៕

ប្រភព Theo Sputnik

ដោយ សុកាន