អត្ថបទ សាវុឌ្ឍ៖

សម្ដេចតេជោ ហ៊ុន សែន នាយករដ្ឋមន្ត្រី នៅថ្ងៃនេះ (២៣ មីនា) ស្នើឱ្យគ្រប់វត្តអារាមទាំងអស់ទូទាំងប្រទេស ទូងស្គរ រគាំង វាយជួង ព្រមៗគ្នាទូទាំងប្រទេស ក្នុង១ថ្ងៃ ៥ដង ដើម្បីជាសាររំលឹកប្រជាពលរដ្ឋ ពីវិធានការ«៣ ការពារ និង ៣កុំ» ប្រឆាំងការរីករាលដាលជំងឺកូវីដ-១៩។

ទូងលើកទី ១ ម៉ោង ៥ ភ្លឺ, លើកទី ២ ម៉ោង ១១, លើកទី ៣ ម៉ោង ១៤.០០ រសៀល, លើកទី ៤ ម៉ោង ១៧.០០ និង លើកទី ៥ ម៉ោង ២០.០០ នាទីយប់ ។ សម្តេចនាយករដ្ឋមន្ត្រីចេញការណែនាំនេះ ដើម្បីជាការដាស់តឿនរំឭកដល់ប្រាពលរដ្ឋកម្ពុជា ឲ្យបង្កើនការប្រុងប្រយត្ន និងនឹកឃើញពាក្យស្លោក «៣ការ និង ៣កុំ» ។

ដូច្នេះ សូមព្រះចៅអធិការវត្ត ព្រះថេរានុថេរៈ សាមណេរ គ្រប់វត្តអារាម នៅទូទាំងប្រទេស ចូលរួមផ្សព្វផ្សាយ និងដើម្បីចូលរួមចំណែកក្នុងការទប់ស្កាត់ការពារមេរោគដ៏សាហាវនេះ ៕