រូបថតឯកសារចាស់ ពេលជួសជុលស្ពានព្រះមុនីវង្សចាស់
ដោយសារស្ពានព្រះមុនីវង្សចាស់ត្រូវកាយបកកៅស៊ូចាស់ចេញ អ៊ុតកៅស៊ូថ្មីឡើងវិញ ដែលការងារនេះចាំបាច់ត្រូវបិទចរាចរ លើស្ពានព្រះមុនីវង្សចាស់ជាបណ្តោះអាសន្នរយៈពេល០៣ថ្ងៃ ចាប់ពីម៉ោង ០៨:០០នាទីព្រឹកថ្ងៃទី ០៨ ខែ មេសាដល់ថ្ងៃទី១០ ខែ មេសា ឆ្នាំ២០២១។ ផុតរយៈពេលនេះនឹងបើកចរាចរលើស្ពានព្រះមុនីវង្សចាស់ជាធម្មតាឡើងវិញ។
សេចក្ដីជូនដំណឹងរដ្ឋបាលរាជធានីសំណូមពរបងប្អូនប្រជាពលរដ្ឋ ម្ចាស់រថយន្ត និង ទោចក្រយានយន្តគ្រប់ប្រភេទ ដែលធ្វើដំណើរឆ្លងកាត់ស្ពានព្រះមុនីវង្សចាស់ជ្រាបជាព័ត៌មាន និងចូលរួមសហការអនុវត្តដោយត្រូវពង្វាងចរាចរមកស្ពានព្រះមុនីវង្សថ្មី ដែលស្ពានព្រះមុនីវង្សថ្មីនេះ នឹងដាក់ឱ្យធ្វើចរាចរទាំង«ពីរទិស»ជាបណ្តោះអាសន្ន។
រដ្ឋបាលរាជធានីភ្នំពេញក៏សូមអំពាវនាវផងដែរ ចំពោះប្រជាពលរដ្ឋដែលធ្វើចរាចរលើផ្លូវជាតិលេខ១ អាចពង្វាងចរាចរទៅផ្លូវក្រវ៉ាត់ក្រុងទី២ (ផ្លូវថៃហ្គ័រ) ដើម្បីចៀសវាងការកកស្ទះចរាចរនៅទីតាំងការដ្ឋានខាងលើផងដែរ ៕