ក្នុងត្រីមាសទី ១ ឆ្នាំ ២០២១ ក្រុមហ៊ុនឱសថចនសាន់និងចនសាន់ (Johnson & Johnson ឬ J&J) បានលក់ដាច់វ៉ាក់សាំងការពារកូវីដ-១៩ នូវទឹកប្រាក់ ១០០ លានដុល្លារអាមេរិក ហើយក្រុមហ៊ុនបានចំណូលសរុប ២២,៣ ម៉ឺនលានដុល្លារ កើនឡើង ៧,៩% បើធៀបនឹងរយៈពេលដូចគ្នាកាលពីឆ្នាំមុន រួមទាំងរាប់បញ្ចូលទាំងថ្នាំពេទ្យផ្សេងៗទៀត បានប្រាក់ចំណូលចំនួន ១២,២ ម៉ឺនលានដុល្លារ កើនឡើង ៩,៦ ភាគរយបើប្រៀបធៀបទៅនឹងរយៈពេលដូចគ្នាកាលពីឆ្នាំមុន ។
ទោះយ៉ាងណាក៏ដោយ អាជីវកម្មទំនិញបរិភោគ ដូចជា យីហោថែរក្សាស្បែក Neutrogena និង Listerine mouthwash រកប្រាក់ចំណូលបានចំនួន ៣,៥ ពាន់លានដុល្លារ ធ្លាក់ចុះ ២,៣ ភាគរយ ធៀបនឹងរយៈពេលដូចគ្នាកាលពីឆ្នាំមុន ។
ទន្ទឹមនឹងនេះអាជីវកម្មផលិតឧបករណ៍វេជ្ជសាស្ត្ររកចំណូលបាន ៦.៥៧ ពាន់លានដុល្លារអាមេរិក កើនឡើង ៧,៩% បន្ទាប់ពីស្ថានការណ៍បានចាប់ផ្តើមវិលមករកភាពប្រក្រតីវិញ ខុសគ្នាពីការផ្ទុះឡើងនៃជំងឺកាលពីឆ្នាំមុន ។
វ៉ាក់សាំង Johnson & Johnson ខុសពីវ៉ាក់សាំងដទៃទៀតដូចជា Pfizer, Moderna និង AstraZeneca ដោយសារវាជាវ៉ាក់សាំងដែលចាក់តែមួយដូសប៉ុនណោះក្នុងមនុស្សម្នាក់ ។
ទោះយ៉ាងណា វ៉ាក់សាំងនេះត្រូវបានផ្អាកនៅសហរដ្ឋអាមេរិក នៅពេលកំពុងត្រួតពិនិត្យដែលមានអ្នកជំងឺមាន«ឈាមកក» និងមានរោគសញ្ញាធ្ងន់ធ្ងរចំពោះមនុស្សទាំង ៦ នាក់បន្ទាប់ពីចាក់វ៉ាក់សាំងនេះ ៕
ប្រែសម្រួលពីវេបសាយ prachachat
ដោយ សូរ្យសែង