ប្រទេសរុស្ស៊ីបានបញ្ជាឱ្យដកកងទ័ពរបស់ខ្លួនភាគច្រើនចេញពីព្រំដែនអ៊ុយក្រែនចាប់ពីថ្ងៃទី ២៣ ខែមេសានិងបញ្ចប់មុនថ្ងៃទី ១ ឧសភា (រូបភាព៖ NBC)

ប្រទេសរុស្ស៊ីបានប្រកាសដកទ័ពរបស់ខ្លួនចេញពីតំបន់ជាប់ព្រំដែនអ៊ុយក្រែន បន្ទាប់ពីមិនបានដាក់ពង្រាយអស់រយៈពេលប្រហែលមួយខែនៅពេលសភាពការណ៍ប្រទេសលោកខាងលិចហាក់មិនស្រួល ។

ដកទាហានភាគច្រើន ប៉ុន្តែរក្សាអាវុធទុក

បន្ទាប់ពីសង្កេតមើលសមយុទ្ធយោធាមួយនៅលើឧបទ្វីបអ៊ុយក្រែននាថ្ងៃទី ២២ ខែមេសា រដ្ឋមន្ត្រីការពារជាតិរុស្ស៊ីលោក សឺហ្គេ សយហ្គូ (Sergei Shoigu) មិនបានរំពឹងទុកថា នឹងបញ្ជាឱ្យទាហានរបស់លោកភាគច្រើនដកចេញពីឧបទ្វីបគ្រីមៀ និងតំបន់ដែលនៅជិតព្រំដែនភាគខាងកើតនៃប្រទេសអ៊ុយក្រែន ដើម្បីត្រឡប់ទៅកាន់មូលដ្ឋានអចិន្រ្តៃយ៍បន្ទាប់ពីការដាក់ពង្រាយរយៈពេល ១ ខែមក ដូច្នោះហើយទើបទាហានរុស្ស៊ីដកថយទៅមូលដ្ឋានអចិន្រ្តៃយ៍ដែលចាប់ផ្តើមពីថ្ងៃទី ២៣ មេសានេះ និងបញ្ចប់មុនថ្ងៃទី ១ ខែឧសភា ។  ទោះយ៉ាងណាអាវុធនិងរថពាសដែកមួយចំនួននៅតែត្រូវបានរក្សាទុកនៅទីនោះ ដើម្បីបម្រើដល់សមយុទ្ធយោធារបស់រុស្ស៊ីដែលគ្រោងធ្វើនៅចុងឆ្នាំនេះ។

រដ្ឋមន្ត្រីការពារជាតិរុស្ស៊ីត្រួតពិនិត្យសមយុទ្ធមួយនៅគ្រីមៀពីឧទ្ធម្ភាគចក្រយោធានៅថ្ងៃទី២២ មេសា (រូបថតៈ WSJ)

លោករដ្ឋមន្រ្តី សយហ្គូ បានមានប្រសាសន៍ថា «ខ្ញុំជឿជាក់ថា យើងបានសម្រេចគោលដៅនៃការធ្វើតេស្តនេះ (កម្រិតត្រៀមខ្លួនយោធា) ។ ទាហានបានបង្ហាញពីសមត្ថភាពរបស់ខ្លួនក្នុងការការពារប្រទេស ដោយគ្រោងនឹងបញ្ចប់ការធ្វើតេស្តសមត្ថភាពនៅតំបន់យោធាខាងលិចនិងខាងត្បូង» ។

ប្រទេសរុស្ស៊ីបានរក្សាកម្លាំងឈរជើងរួចហើយនៅតាមបណ្តោយព្រំដែនរាប់ពាន់គីឡូម៉ែត្រ ជាប់ព្រំដែនជាមួយអ៊ុយក្រែន ប៉ុន្តែក្នុងរយៈពេលប៉ុន្មានសប្តាហ៍ថ្មីៗនេះ បានដាក់ពង្រាយទាហានប្រមាណ ១៥ ម៉ឺននាក់ និងអាវុធយុទ្ធភណ្ឌចូលមកតំបន់នេះ។  នេះគឺជាការដាក់ពង្រាយធំបំផុតចាប់តាំងពីប្រទេសរុស្ស៊ីបានបញ្ចូលគ្រីមៀក្នុងឆ្នាំ ២០១៤ ដែលបង្កភាពតានតឹងរវាងរុស្ស៊ីនិងលោកខាងលិច ។ ការផ្លាស់ប្តូររបស់ទីក្រុងមូស្គូបានធ្វើឱ្យមានការព្រួយបារម្ភអំពីហានិភ័យនៃជម្លោះយោធាជាមួយ ទន្ទឹមនឹងការស្វាគមន៍ការដកទ័ពរបស់រុស្ស៊ី មន្រ្តីអ៊ុយក្រែននិងអាមេរិកនៅតែមានការសង្ស័យពីគោល បំណងពិតរបស់ទីក្រុងម៉ូស្គូ ។

តើរុស្ស៊ីមានគម្រោងអ្វី?

មុនពេលប្រទេសរុស្ស៊ីប្រកាសដកខ្លួនចេញ មន្ត្រីនិងអ្នកជំនាញលោកខាងលិចបានលើកឡើងថា ការពង្រឹងកម្លាំងរបស់ទីក្រុងម៉ូស្គូ គឺមានការព្រួយបារម្ភ ប៉ុន្តែហានិភ័យនៃប្រទេសរុស្ស៊ីដែលចាប់ផ្តើមការវាយប្រហារយោធាទៅលើប្រទេសអ៊ុយក្រែន គឺទាបណាស់។  យោងទៅតាមមន្ត្រីរុស្ស៊ីបានបង្កើនវត្តមានយោធារបស់ខ្លួនជាចម្បងដើម្បីផ្ញើសារទៅបណ្តាប្រទេសលោកខាងលិច និងជាពិសេសដល់រដ្ឋបាលរបស់ប្រធានាធិបតីអាមេរិក ចូ បៃដេន (Joe Biden)។ ទីក្រុងម៉ូស្គូអាចមើលឃើញថានេះជាការសាកល្បងមួយដើម្បីវាយតម្លៃការប្តេជ្ញាចិត្តរបស់រដ្ឋបាលលោកបៃដិន ចំពោះអ៊ុយក្រែន។ 

ទោះយ៉ាងណាអ្នកជំនាញលោកខាងលិចនៅតែប្រយ័ត្នប្រយែងចំពោះជំហានបន្ទាប់របស់រុស្ស៊ី នៅពេលដែលពួកគេមិនអាចបញ្ជាក់ពីទំហំនៃការដកខ្លួនរបស់ទីក្រុងមូស្គូ ៕

បកប្រែពី Theo NBC

ដោយ សុកាន