ក្រសួងសុខាភិបាលម៉ាឡេស៊ីបញ្ជាក់ថា វ៉ាក់សាំងការពារកូវីដ-១៩ ប្រភេទអាស្ត្រា សេណេកា មានសុវត្ថិភាពក្នុងការប្រើ ទោះជាមុននេះមានព្រឹត្តិការណ៍ក្នុងបណ្តាប្រទេសអឺរ៉ុបមួយចំនួនផ្អាកចាក់វ៉ាក់សាំងនេះដោយសារថាមានកំណកឈាមក៏ដោយ តែបច្ចុប្បន្នបាននាំមកប្រើក្នុងប្រទេស ចាក់ជូនអ្នកមានអាយុ ៦០ឆ្នាំឡើង ។ ការនាំចូលដំបូងមានចំនួន ២៧០.០០០ ដូសពីគម្រោងការរបស់កូវ៉ាក់(Covac) ។
ពីមុន ខ្លួនគាត់ផ្ទាល់បានបញ្ជាក់ថា ទាំងការត្រួតពិនិត្យរបស់អង់គ្លេស និងអឺរ៉ុបបញ្ជាក់ថា វ៉ាក់សាំងនេះមានប្រសិទ្ធភាពក្នុងការការពារជំងឺកម្រិតខ្ពស់ ហើយគុណប្រយោជន៍នៃវ៉ាក់សាំងមានច្រើនជាងហានិភ័យ ។ ទន្ទឹមនឹងនេះអាជ្ញាធរម៉ាឡេស៊ីនឹងពន្លឿនការពិនិត្យឡើងវិញនៃវ៉ាក់សាំង មុនពេលពួកគេត្រូវបានអនុម័តសម្រាប់ការប្រើប្រាស់បន្ថែមនៅក្នុងក្រុមអាយុផ្សេងទៀត ។
ប្រទេសម៉ាឡេស៊ីនឹងបានទទួលវ៉ាក់សាំង អាស្ត្រាសេណេកាទាំងអស់ ១២,៨ លានដូស ពាក់កណ្តាលជាវ៉ាក់សាំងបានពីគ ម្រោងការកូវ៉ាក់ (Covac) និងទទួលវ៉ាក់សាំង ៦០០.០០០ ដូសក្នុងខែមិថុនា ៕
ប្រភពពី Channel News Asia
ដោយ សូរ្យសែង