Iron Dome ប្រព័ន្ធការពារលើអាកាសដ៏មហាអស្ចារ្របស់អ៊ីស្រាអែលយ កំពុងប្រើជាមួយហាម៉ាស ប៉ាឡេស្ទិន

ព័ត៌មានអន្តរជាតិថ្ងៃអង្គារ៍ ទី18 ខែឩសភា ឆ្នាំ2021 ម៉ោង 3:51 នាទី ល្ងាច

 

  • ការប្រយុទ្ធគ្នាដ៏ស៊ីសាច់ហុតឈាមរវាងគូសត្រូវយូរអង្វែង អ៊ីស្រាអែល និងក្រុមហាម៉ាស ត្រូវបានហាម៉ាសបាញ់ឆ្លងដែន ជាមួយគ្រាប់រ៉ុក្កែតជិត ៣.០០០ គ្រាប់ក្នុងរយៈពេល ៧ ថ្ងៃកន្លងមក ប៉ុន្តែជាង ៩០ ភាគរយត្រូវបានស្ទាក់ចាប់ដោយប្រព័ន្ធការពារអច្ឆរិយៈរបស់យោធាអ៊ីស្រាអែល គឺ អាយរ៉ុន ឌូម «Iron Dome» ។
  • Iron Dome គឺជាប្រព័ន្ធដែលត្រូវបានរចនាឡើងយ៉ាងពិសេស ដើម្បីការពារប្រឆាំងនឹងការវាយប្រហារខាងអាកាសរយៈជិតពី ៤ ទៅ៧០ គីឡូម៉ែត្រ និងមានតម្លៃមហាសាល ប៉ុន្តែសម្រាប់អ៊ីស្រាអែល ប្រជាជាតិជ្វីហ្វក្នុងចំណោមគូប្រជែងអារ៉ាប់ គឺទទួលបានលទ្ធផលល្អណាស់ ព្រោះវាជួយកាត់បន្ថយការបាត់បង់ជីវិតយោធា និងស៊ីវិលពីរាប់ពាន់ ទៅរាប់ម៉ឺននាក់ ។
  • មីស៊ីល Tamir ដែលត្រូវបានបាញ់ស្កាត់ដោយអ៊ីស្រាអែលមានតម្លៃជាង ៤ ម៉ឺនដុល្លារក្នុងមួយគ្រាប់ ជាតម្លៃថ្លៃសម្បើម បើប្រៀបធៀបទៅនឹងតម្លៃមីស៊ីល«ហ្គាសសាម»របស់ប៉ាឡេស្ទីន ដែលមានតំលៃត្រឹម ៨០០ ដុល្លារអាមេរិកក្នុងមួយគ្រាប់ ។ ការបាញ់ជញ្ជ្រុំចូលទឹកដីអ៊ីស្រាអែលនៃគ្រាប់នីមួយៗ ទោះបីជាអាចរាំងស្កាត់បានក៏ដោយ ប៉ុន្តែនៅចុងបញ្ចប់វាមិនខុសពីការវាយប្រហារសេដ្ឋកិច្ចរបស់ប៉ាឡេស្ទីនដោយប្រយោលរបស់អ៊ីស្រាអែលទេ ។

ព័ត៌មានអំពីស្ថានការណ៍ដ៏ក្តៅគគុកនៅមជ្ឈិមបូព៌ាក្នុងរយៈពេលមួយសប្តាហ៍កន្លងមកនេះ បានឃើញថា ដែនអាកាសអ៊ីស្រាអែលត្រូវបានវាយប្រហារដោយក្រុមហាម៉ាស ចាប់តាំងពីថ្ងៃទី ១០ ឧសភាកន្លងមក ដើម្បីសងសឹកទៅលើការវាយប្រហារតាមអាកាសរបស់អ៊ីស្រាអែល ដោយបានសម្លាប់មេបញ្ជាការជាន់ខ្ពស់ជាច្រើននាក់នៃក្រុមហាម៉ាស ហើយបណ្តាលឱ្យអគារខ្ពស់ៗនៅទីក្រុងហ្គាហ្សាខ្ទេចខ្ទាំ ។

កងកម្លាំងរបស់ហាម៉ាសបាននិយាយថា មកទល់នឹងពេលនេះ មានមនុស្សស្លាប់ក្នុងជ្រោយហ្គាហ្សា ១៩២ នាក់ហើយ ក្នុងចំនួននេះ កុមារ ៥៨ នាក់ នារី ៣៤ នាក់ និងមានអ្នករបួស ១.២០០ នាក់ ប៉ុន្តែបើមើលទៅខាងដែនដីអ៊ីស្រាអែលវិញ ឃើញថាមានការខូចខាតតិច និងមនុស្សស្លាប់ត្រឹម ១០ នាក់ ដោយសារគុណបុណ្យ Iron Dome ប្រឆាំងលើអាកាស ។

ដើមកំណើតIron Dome

វាត្រូវបានគេទទួលស្គាល់ថាជាប្រព័ន្ធការពារមីស៊ីលដែលល្អបំផុត និងទំនើបបំផុតក្នុងពិភពលោកនាពេលនេះ ។ គំនិតអភិវឌ្ឍប្រព័ន្ធការពារមីស៊ីលរបស់អ៊ីស្រាអែលមានឡើង ក្រោយពីសង្គ្រាមលីបង់ តស៊ូជាមួយកងកម្លាំងប្រដាប់អាវុធហេសប៊ូឡារបស់លីបង់ ស៊ីពេលអស់ ៣៤ ថ្ងៃក្នុងឆ្នាំ ២០០៦ បណ្តាលឲ្យមនុស្សស្លាប់ ១២០ នាក់ របួស ១.២០០ នាក់ ។ ប្រព័ន្ធនេះអភិវឌ្ឍដោយក្រុមហ៊ុន «Rafael Advance Systems» រួមជាមួយក្រុមហ៊ុន «Israel Aerospace Isdistries» និងក្រុមហ៊ុនអាមេរិកាំងះះឮ

 ដែលទីបំផុត «Iron Dome» ក៏ត្រូវដំឡើងប្រើការកាលពីខែមីនា ឆ្នាំ ២០១១ ឬ កាលពី ១០ឆ្នាំកន្លងមក ។

ធ្វើការ ៤ ដំណាក់កាលរបស់ប្រព័ន្ធអច្ឆរិយៈIron Dome នេះ

Iron Dome ជាប្រព័ន្ធដែលអាចប្រើការបានគ្រប់ពេលវេលា និងគ្រប់សភាពអាកាស នៅពេលមីស៊ីល ឬ កាំជ្រួចដែលត្រូវបាញ់មក ប្រព័ន្ធរ៉ាដាដែលត្រូវបង្កើតឡើងដោយក្រុមហ៊ុន Elta របស់អ៊ីស្រាអែល នឹងត្រួចចាប់ និងតាមដាន ។

បច្ចុប្បន្ន Iron Dome ប្រើរាំងស្កាត់ និងបំផ្លាញកាំជ្រួច រហូតដល់គ្រាប់កាំភ្លើងធំដែលបាញ់មកពីរយៈចម្ងាយ ៤-៧០ គីឡូម៉ែត្រ ចំណែកមូលដ្ឋានបាញ់មានកាំរស្មីគ្រប់គ្រងការពារ ១៥០ គីឡូម៉ែត្រការ៉េ ហើយនៅពេលអនាគត អ៊ីស្រាអែលមានតម្រូវការបង្កើនរយៈស្កាត់បាញ់ដល់ ២៥០ គីឡូម៉ែត្រ និងបង្កើនបរិមាណរបស់ខ្លួនដើម្បីអាចស្ទាក់ចាប់កាំជ្រួចចេញពីទិសដៅពីរក្នុងពេលតែមួយ ។ ជាងនេះទៀត ក្នុងពេលរត់ទៅបំផ្លាញគ្រាប់សត្រូវ វាមានពេលត្រឹម ១៥-២០ ដើម្បីបើកសឺរ៉ែន ឲ្យឲ្យប្រជាជនមានការត្រៀមខ្លួន ៕

 

ទិន្នន័យពី BBCWashington PostArmy Technology

បកប្រែដោយ សូរ្យរិទ្ធ


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម