អភិបាលរដ្ឋកាលីហ្វ័រនៀ (REUTERS/Mike Blake/File Photo)

អត្ថបទ សូរ្យសែង៖

កាលពីថ្ងៃទី ២៨ ឧសភា កាសែត REUTERS រាយការណ៍ថា លោក ខេវិន ញូវសាំ អភិបាលរដ្ឋកាលីហ្វ័រនៀ សហរដ្ឋ អាមេ រិក ថ្លែងថា រង្វាន់ដែលមានទឹកប្រាក់រហូតដល់ 116,500,000 ដុល្លារ និងរាប់បញ្ចូលទាំងប័ណ្ណទូទាត់ដល់ប្រជាជនដែល បានចាក់វ៉ាក់សាំងកូវីដ-១៩ មុនថ្ងៃទី ១៥ ខែមិថុនា ឆ្នាំ ២០២១ ដោយគោលការណ៍នេះសង្ឃឹមថានឹងលើកទឹកចិត្តឱ្យមនុស្សមកចាក់វ៉ាក់សាំង ។

គោលការណ៍ចែករង្វាន់របស់លោកអភិបាលរដ្ឋចំពោះប្រជាជនមកចាក់វ៉ាក់សាំងនេះ គឺដើម្បីមុន«បើករដ្ឋ» ពេញរូបរាង ដោយបញ្ចប់ការ LockDown ការរាតត្បាតនៃមេរោគកូវីដ-១៩ តាមកាលបរិច្ឆេទថ្ងៃទី ១៥ ខែមិថុនា ឆ្នាំ ២០២១ នេះ ដែលផែនការខាងលើនេះ កើតមានឡើងក្រោយពីអត្រាចាក់វ៉ាក់សាំងនៅក្នុងរដ្ឋទាំងមូលចាប់ផ្តើមមានការយឺតយ៉ាវ ។

REUTERS/Lucy Nicholson/File Photo

តាមរបាយការណ៍ថា នឹងចែកប្រាក់រង្វាន់នេះ ១,៥ លានដុល្លារ ឲ្យទៅប្រជាជនកាលីហ្វ័រនៀ ដល់ប្រជាជនកាលីហ្វ័រនៀផ្សងសំណាងចំនួន ១០ នាក់ រួមដល់ការចែកប្រាក់ក្នុងម្នាក់ៗចំនួន ៥០.០០០ ដុល្លារអាមេរិក និងដល់អ្នកមានសំណាង ៣០ នាក់ផ្សេងទៀត ។ ក្រៅពីនេះ ប្រជាជនកាលីហ្វ័រនៀចំនួន ២ លាននាក់ដំបូង ដែលចាក់វ៉ាក់សាំង នឹងទទួលបានរង្វាន់ជាប័ណ្ណអំណោយដែលមានតម្លៃ ៥០ ដុល្លារ ។

នៅកម្ពុជា ទោះរដ្ឋាភិបាលមានការខ្វះខាតក៏ដោយ ក៏សម្តេចតេជោ ហ៊ុន សែន ផ្តល់ប្រាក់រង្វាន់ដល់ប្រជាជនចាក់វ៉ាក់សាំងទី ១ លាននាក់ និង ទី ២ លាននាក់ ម្នាក់ៗបានចំនួន ៤ លានរៀលដែរ ៕