អត្ថបទ សូរ្យរិទ្ធ៖

ប្រទេសសិង្ហបុរីមានការផ្លាស់ប្តូរភ្លាមៗក្នុងការទប់ទល់ជាមួយកូវីដ-១៩ ដែលឥឡូវត្រូវបានផ្តល់ភ្លើងខៀវដល់វិស័យឯកជនប្រើប្រាស់វ៉ាក់សាំងស៊ីណូវ៉ាក់ (Sinovac) របស់ចិនបាន ។

ការដែលវ៉ាក់សាំង Sinovac ទទួលចុះបញ្ជីដោយអង្គការសុខភាពពិភពលោក ក្នុងនាមជាវ៉ាក់សាំងសង្គ្រោះបន្ទាន់ វាគឺជាវ៉ាក់សាំងចុងក្រោយដែលជាលទ្ធផលនៃការដោះស្រាយវិបត្តិកូវីដ-១៩ នៅបណ្តាប្រទេសជាច្រើន ក្នុងនេះក៏មានប្រទេសសិង្ហបុរីមួយដែរ ដែលស្ថិតនៅក្រោមកិច្ចការរបស់រដ្ឋាភិបាលលោក លី សៀនឡុង ក្រឡេកឃើញ ។

ក្រសួងសុខាភិបាលសាំងហ្គាពួរ ត្រៀមប្រគល់វ៉ាក់សាំងស៊ីណូវ៉ាក់ដល់វិស័យឯកជនចាត់ការ ដើម្បីនាំមកចែកចាយប្រើ ទៅកាន់សាធារណជនទូទៅ តែស្ថិតនៅក្នុងលក្ខខ័ណ្ឌពិសេស និងសង្កត់ធ្ងន់ថា «វ៉ាក់សាំងនេះមិនមាននៅក្នុងផែនការចាក់វ៉ាក់សាំងជាតិទេ ហើយនឹងមិនទទួលខុសត្រូវ ប្រសិនបើមានបញ្ហាកើតឡើងនៅពេលក្រោយចាក់» ។

ការអនុញ្ញាតតាមបែបនេះ បានផ្តល់ឱកាសដល់មន្ទីរពេទ្យឯកជន អាចនាំវ៉ាក់សាំងដែលមាននៅក្នុងបញ្ជីប្រើប្រាស់បន្ទាន់របស់អង្គការសុខភាពពិភពលោក ដូចជាស៊ីណូវ៉ាក់ជាដើម ប៉ុន្តែវាមិនត្រូវបានអនុម័តជាផ្លូវការរបស់សិង្ហបុរីទេ...។

ទោះជាយ៉ាងណា ដើម្បីឱ្យមានភាពយុត្តិធម៌ វាមិនមែនជាវ៉ាក់សាំងស៊ីណូវ៉ាក់តែមួយមុខនោះទេ ដែលមាននៅក្នុងលក្ខខណ្ឌពិសេសនេះ គឺប្រទេសសិង្ហបុរី ក៏មានផ្តល់វ៉ាក់សាំង Johnson & Johnson, វ៉ាក់សាំង AstraZeneca និងវ៉ាក់សាំង SinoFarm ផងដែរ នៅក្រោមលក្ខខណ្ឌពិសេស ដែលនឹងត្រូវចាក់ជាមួយវិស័យឯកជន ពីព្រោះសិង្ហបុរីចាត់ទុកវ៉ាក់សាំង Pfizer និង Moderna ពីរប្រភេទនេះប៉ុនណោះដែលបានទទួលការអនុម័តជាផ្លូវការរបស់រដ្ឋាភិបាល ដោយសារវ៉ាក់សាំងពីរនេះប្រើបច្ចេកវិទ្យា mRNA ។

Sinovac ត្រូវបានរៀបចំជាយូរមកហើយ

តាមពិត អាជ្ញាធរសិង្ហបុរីកំពុងត្រៀមរកផ្លូវចេញ ស្វែងរកវ៉ាក់សាំងដែលមិនគ្រប់គ្រាន់ មកដោះស្រាយជាយូរមកហើយ តាំងពីវ៉ាក់សាំង Sinovac មិនទាន់ត្រូវបានអង្គការសុខភាពពិភពលោកទទួលស្គាល់មកម៉្លេះ ប៉ុន្តែប្រទេសសិង្ហបុរីបានបញ្ជាទិញពីមុនចំនួន ២០០.០០០ ដូសតាំងពីខែកុម្ភៈមក ហើយត្រៀមយកចេញប្រើតាមវិស័យឯកជននេះ ។

វិស័យឯកជនស្វាគមន៍ប្រជាជនឲ្យមានជម្រើសច្រើន

លោកវេជ្ជបណ្ឌិត ស៊ូវ អេន ហាវ ស្ថាបនិកមន្ទីរពេទ្យឯកជន EH Medical ដែលជាបណ្តាញមន្ទីរពេទ្យមួយក្នុងចំណោម ២២ គ្លីនិក និយាយថា វិស័យឯកជនបានសម្តែងការយល់ស្របថា អាជ្ញាធរបានផ្តល់ភ្លើងខៀវឱ្យប្រើវ៉ាក់សាំងស៊ីណូវ៉ាក់ ពីព្រោះនៅប្រទេសសិង្ហបុរីមានប្រជាជនមួយចំនួនដែលមានការព្រួយបារម្ភអំពីផលប៉ះពាល់ពីវ៉ាក់សាំងរដ្ឋ ដូចយ៉ាង វ៉ាក់សាំង Pfizer និងវ៉ាក់សាំង Moderna ដែលផលិតដោយបច្ចេកវិទ្យា mRNA ដូចគ្នា ហើយការមានវ៉ាក់សាំងជ្រើសរើស នឹងជាលទ្ធផលល្អ ដែលជនជាតិសិង្ហបុរីនឹងទទួលបាន... ។

លើសពីនេះទៀត លោកវេជ្ជបណ្ឌិត ស៊ូវ អេន ហាវ និយាយថា មានអ្នកជំងឺកូវីដ-១៩ សិង្ហបុរីខ្លះ បានបង្ហាញបំណងចង់ធ្វើដំណើរទៅប្រទេសចិន ដើម្បីចាក់វ៉ាក់សាំងស៊ីណូវ៉ាក់ ដោយសារតែពួកគេមានទំនុកចិត្តលើវ៉ាក់សាំងមួយនេះ ។

នាយករដ្ឋមន្ត្រីបង្កើតការជឿជាក់

លោក លី សៀនឡុង នាយករដ្ឋមន្ត្រីសិង្ហបុរី ថ្លែងការណ៍ថា ប្រទេសគួរនឹងអាចគ្រប់គ្រងការរាតត្បាតកូវីដ-១៩ បានក្នុង ២ សប្តាហ៍ខាងមុខទៀត និងគួរតែអាចបន្ធូរបន្ថយវិធានការមួយចំនួនដើម្បីការពារការផ្ទុះឡើងនៃកូវីដសាំងហ្គាពួរ តាមការគ្រោងទុកបន្ទាប់ពីថ្ងៃទី ១៣ មិថុនានេះ ។

 ទំនុកចិត្តដល់គាត់ និងបង្ហាញផែនការច្បាស់លាស់ក្នុងការប្រយុទ្ធប្រឆាំងនឹងវីរុសនេះដោយបង្ហាញពីអ្វីដែលសិង្ហបុរីត្រូវធ្វើ។ ដើម្បីទប់ទល់នឹងគម្របគម្រប ១៩ នៅក្នុងជំហានបន្ទាប់ដើម្បីត្រៀមខ្លួនដើម្បីឈានដល់ចំណុចមួយដែលអាចវិលត្រឡប់ជំរុញសេដ្ឋកិច្ចនិងភ្ជាប់ទៅសហគមន៍ពិភពលោកម្តងទៀត។ រឿងទាំងបីដែលប្រទេសសឹង្ហបូរីត្រូវធ្វើឱ្យកាន់តែលឿនគឺៈការចាក់បញ្ចាំង, ២. ការតាមដាន, ៣. និងការចាក់វ៉ាក់សាំង COVID-១៩ ។ នេះមានន័យថាអនុវត្តស៊ីណូណូកចុងក្រោយសម្រាប់ការប្រើប្រាស់ឯកជនផងដែរ។

 លោក លី សៀនឡុង ក៏បានផ្តល់ទំនុកចិត្តដល់គាត់ និងបង្ហាញផែនការច្បាស់លាស់ក្នុងការប្រយុទ្ធប្រឆាំងនឹងវីរុសនេះដោយបង្ហាញពីអ្វីដែលសិង្ហបុរីត្រូវធ្វើ ដើម្បីទប់ទល់នឹងកូវីដ-១៩ នៅក្នុងជំហានបន្ទាប់ដើម្បីត្រៀមខ្លួនដើម្បីឈានដល់ចំណុចមួយដែលអាចវិលត្រឡប់ជំរុញសេដ្ឋកិច្ច និងភ្ជាប់ទៅសហគមន៍ពិភពលោកម្តងទៀត ។ រឿងទាំងបីដែលប្រទេសសិង្ហបូរីត្រូវធ្វើឱ្យកាន់តែលឿនគឺៈ ១.ការត្រួតពិនិត្យរកមេរោគ ២. ការតាមដានការឆ្លង ៣. និងការចាក់វ៉ាក់សាំង កូវីដ -១៩ ។ នេះមានន័យថាការផ្តល់ភ្លើងខៀវឲ្យវិស័យឯកជននាំយក ស៊ីណូវ៉ាក់ មកប្រើសាធារណៈ ។

ស៊ីណូវ៉ាក់អាចផលិតបានក្នុងមួយថ្ងៃ ១០ លានដូស

ជាមួយគ្នានេះ ក្រុមហ៊ុនវ៉ាក់សាំងស៊ីណូវ៉ាក់នៅប្រទេសចិន បានបង្ហាញឱ្យដឹងថា ក្រុមហ៊ុនអាចផលិតវ៉ាក់សាំងបាន ៧ លានដូសក្នុងមួយថ្ងៃ ហើយនៅពេលអនាគតគេរំពឹងថា នឹងផលិតបានរហូតដល់ ១០ លានក្នុងមួយថ្ងៃ ។ គុណសម្បត្តិនៃវ៉ាក់សាំងស៊ីណូវ៉ាក់ គឺមិនចាំបាច់រក្សាទុកនៅសីតុណ្ហភាពទាបទេ រក្សាទុកនៅសីតុណ្ហភាពចន្លោះពី ២-៨ អង្សាសេ ៕