ទីភ្នាក់ងារព័ត៌មាន REUTERS រាយការណ៍ថា សហរដ្ឋអាមេរិក បានសងវត្ថុបុរាណ ២៧ ដុំដល់កម្ពុជាវិញ ។ វត្ថុបុរាណទាំងនេះ គឺជាលទ្ធផលនៃការងារស្រាវជ្រាវស៊ើបអង្កេតជាច្រើនឆ្នាំនៅទីក្រុងញូវយ៉ក សហរដ្ឋអាមេរិក ដើម្បីរកវត្ថុបុរាណដែលបានរត់ពន្ធពីសម័យសង្គ្រាមស៊ីវិលនៅកម្ពុជា ។
វត្ថុបុរាណទាំងអស់មានតម្លៃ ៣,៨ លានដុល្លារ រួមមាន រូបបដិមាហិណ្ឌូ និងព្រះពុទ្ធនាសម័យអង្គរ ដូចជាព្រះពុទ្ធសមាធិ រូបសំណាកព្រះសិវៈ និងរូបចម្លាក់ថ្មភក់ ព្រះ ប្រាចាណា ប៉ារ៉ាមាតា (Phra Prajana Paramita) ជាដើម ។
«ការនាំមកវិញនូវបុរាណវត្ថុដ៏មហស្ចារ្យ និងមិនគួរឲ្យជឿរបស់ខ្មែរទាំង ២៧ ដុំ ដល់ប្រជាជនកម្ពុជាវិញនេះ នឹងជួយតភ្ជាប់ដ៏សំខាន់មួយរវាងសម័យអង្គររបស់ប្រទេស និងប្រពៃណី ជំនឿសម័យថ្មី ដែលបានបាត់បង់ជាយូរមកហើយ នេះដោយសារជនតែខិលខូចលួចជួញដូរដោយអគតិ» ។ លោកមេធាវី ស៊ី វែនស៍ ជូនៀ នៅរដ្ឋមេនហាតតាន់ សហរដ្ឋ អាមេរិក បាននិយាយនៅក្នុងសេចក្តីថ្លែងការណ៍ ។
រដ្ឋមន្រ្តីក្រសួងវប្បធម៌ និងវិចិត្រសិល្បៈនៃប្រទេសកម្ពុជា បានមានប្រសាសន៍ថា វត្ថុបុរាណទាំងនេះគឺជាដួងព្រលឹងនៃបុព្វបុរសដែលបាត់បង់ទៅ ។
វត្ថុបុរាណនៅកម្ពុជាឈុតនេះ គឺជាផ្នែកមួយនៃការប្រគល់ជូនវត្ថុបុរាណជិត ៤០០ ទៅកាន់ ១០ ប្រទេស ក្រោយការស៊ើបអង្កេតរបស់អង្គភាពប្រឆាំងការរត់ពន្ធវត្ថុបុរាណរបស់រដ្ឋ មេនហាតតាន់ និងការិយាល័យស៊ើបអង្កេតដើម្បីសន្តិសុខមាតុភូមិ សហរដ្ឋអាមេរិក ។
ថ្នាក់ដឹកនាំ ក៏ដូចប្រជាជនខ្មែរទាំងអស់ សូមអរគុណអាជ្ញាធរអាមេរិក ប្រជាជនអាមេរិក ពិសេសអរគុណរដ្ឋមេនហាតតាន់ ដែលបានយកចិត្តទុកដាក់តាមានស្រាវជ្រាវ និងស៊ើបអង្កេត រឹបអុសបុរាណវត្ថុទាំងឡាយមកម្ចាស់ដើមប្រទេសវិញ អរគុណជាអនេក្បការ ៕