ប្រធានសភាពាណិជ្ជកម្មថៃ ព្រួយបារម្ភអំពីវិបត្តិចំនួន ៣ ដែលកំពុងសង្កត់ប្រទេសថៃ៖ ១. ពន្ធ ត្រាំ ២. ជម្លោះអ៊ីរ៉ង់-អ៊ីស្រាអែល ដែលប៉ះពាល់ដល់ប្រេង និង ៣. បញ្ហាព្រំដែនថៃ-កម្ពុជា។

ក្រុមពាណិជ្ជករថៃ​បាន​ជំរុញ​ឲ្យ​រដ្ឋាភិបាល​បង្កើត​ភាព​ច្បាស់លាស់ ដើម្បី​ឈាន​ទៅ​ដោះស្រាយ​បញ្ហា​សេដ្ឋកិច្ច។ នយោបាយក្នុងស្រុកកំពុងប៉ះពាល់ដល់ទំនុកចិត្តរបស់អ្នកវិនិយោគ ជំរុញឱ្យមានការដោះស្រាយតាមប្រព័ន្ធប្រជាធិបតេយ្យ មិនត្រូវមាន«រដ្ឋប្រហារ»នោះទេ។ វិស័យហិរញ្ញវត្ថុនៅតែកាន់ក្បាលរបស់ខ្លួនដោយចង្អុលបង្ហាញថា ភាគហ៊ុនជាច្រើនត្រូវបានបោះចោលនាពេលកន្លងមក ហើយភាពមិនច្បាស់លាស់ខាងនយោបាយបានធ្វើឱ្យកាន់តែអាក្រក់ទៅៗ។

អ្នកធុរកិច្ចក្នុងប្រទេសថៃថា ថៃស្ថិតក្នុងស្ថានភាពហានិភ័យខ្ពស់ ចំពោះកត្តាខាងក្រៅ ដូចជាការចរចាពន្ធគយរបស់អាមេរិក ជម្លោះភូមិសាស្ត្រនយោបាយ ជម្លោះជាមួយកម្ពុជា និងកត្តាផ្ទៃក្នុងរបស់ថៃ ។ ឥឡូវនេះ វាពិបាកវាយតម្លៃ ទាំងរូបភាពរដ្ឋាភិបាលនៅបន្ត ឬត្រូវរំលាយសភាឬអត់? ប៉ុន្តែសភាវៈបច្ចុប្បន្នពិតជាមានហានីភ័យខ្ពស់ណាស់ បើសភាត្រូវរំលាយនោះ ការអនុម័តថវិកាមិនអាចប្រើបានដើម្បីជំរុញសេដ្ឋកិច្ចក្រៅផែនការពីថវិកាធម្មតាបាន ព្រោះវាផ្ទុយនឹងរដ្ឋធម្មនុញ្ញ»។

បច្ចុប្បន្ននេះប្រទេសថៃមានគម្រោងធំៗជាច្រើនកំពុងរង់ចាំរដ្ឋាភិបាលដើម្បីដំណើរការទៅតាមផែនការរបស់ខ្លួន ជាពិសេសបញ្ហាធំៗ ដូចជាការចរចាពន្ធអាមេរិក, ការចរចាលើកិច្ចព្រមព្រៀងពាណិជ្ជកម្មសេរី (FTA) នៅក្នុងប្រទេសផ្សេងៗដែលកំពុងរង់ចាំប្រទេសថៃបន្តរហូតដល់បញ្ចប់​ និង​ជម្លោះ​រវាង​អ៊ីស្រាអែល និង​អ៊ីរ៉ង់​ដែល​នៅ​មិនទាន់​ចប់​នៅឡើយ ហើយ​គេ​មិនដឹងថា​នឹង​បញ្ចប់​ឬ​អត់​នោះ​ទេ​។

វិស័យទេសចរណ៍នៅតែប្រឈមមុខពីការបាត់បង់ភ្ញៀវទេសចរចិន រួមដល់ទីផ្សារផ្សេងទៀតក៏ធ្លាក់ចុះផងដែរ វិស័យនាំចេញក៏រងផលប៉ះពាល់ ខណៈដែលទីផ្សារមូលធនថៃមិនមានភាពប្រសើរឡើយ ។ រឿងព្រំដែនរវាងប្រទេសថៃ និងកម្ពុជា ដែលប៉ះពាល់ដល់ប្រាក់ចំណូលនាំចេញ និងផលិតផលក្នុងស្រុកសរុបរបស់ប្រទេស។ ស្ថានការណ៍នៃភាពមិនច្បាស់លាស់ខាងនយោបាយ ក៏បានជះឥទ្ធិពលដល់ទីផ្សារភាគហ៊ុនថៃផងដែរ ​ជាមួយនឹងតម្លៃជួញដូរ 46 ពាន់លានបាត។

អ្នកធុរកិច្ចថៃលើកឡើងទៀតថា ប្រសិនបើឲ្យនាយករដ្ឋមន្ត្រីលាលែងពីតំណែង គណៈរដ្ឋមន្ត្រីទាំងមូលនឹងត្រូវរំលាយ ដែលបង្កបញ្ហារអាក់រអួលក្នុងការគ្រប់គ្រងប្រទេស ទាំងខាងក្រៅ និងខាងក្នុង ព្រោះការបង្កើតគណៈរដ្ឋមន្ត្រីថ្មី អាចចំណាយពេលច្រើនខែ។ មួយទៀត ប្រសិនបើរដ្ឋាភិបាលថៃជ្រើសរើសការរំលាយសភា យ៉ាងហោចណាស់ក៏នឹងមាននាយករដ្ឋមន្ត្រីស្តីទី និងគណៈរដ្ឋមន្ត្រី ដែលអាចឱ្យរដ្ឋាភិបាលចាំផ្ទះបន្តជំរុញសេដ្ឋកិច្ចជាបន្តបន្ទាប់ក្នុងរយៈពេល 2-3 ខែខាងមុខទៀតដែរ ។

បញ្ហាព្រំដែនរវាងប្រទេសថៃ និងកម្ពុជា ប្រទេសថៃប្រឈមនឹងហានិភ័យមួយធំណាស់ នៅពេលយោធាបិទព្រំដែនទាំងអស់មកទល់នឹងថ្ងៃទី ២៤ ខែមិថុនានេះ នាំឲ្យកម្ពុជាឆ្លើយតបមិនឲ្យដឹកទំនិញ នាំប្រេង ហ្គាស ឆ្លងកាត់ នោះថៃបាត់ចំណូលខ្លាំងមែនទេ។ គណៈកម្មការឯកជនរួម ៣ ស្ថាប័ន ពាណិជ្ជកម្ម ឧស្សាហកម្ម និងធនាគារ (JSCCIB) បានលើកឡើងថា រឿងខ្សែអាត់សំឡេង ក៏បានប៉ះពាល់ដល់ទំនុកចិត្តផ្ទៃក្នុង និងជាហានិភ័យដល់សេដ្ឋកិច្ចថៃផងដែរ ។

លោក អ៊ីសារេត រតនាឌីឡុក ភូកេត អនុប្រធានសហព័ន្ធឧស្សាហកម្មថៃ (FTI) បានផ្តល់យោបល់ផ្ទាល់ខ្លួនថា ជម្លោះនៅព្រំដែនកម្ពុជា-ថៃ ពេលនេះបានកើនលើសពីការរំពឹងទុក វា​បាន​ក្លាយ​ជា​បញ្ហា​នយោបាយ​ផ្ទៃក្នុង​ ដែល​ប៉ះពាល់​ដល់​តំណែង​ដឹកនាំ ​ក៏ដូចជា​ស្ថិរភាព​នយោបាយ​របស់​ប្រទេស​ថៃ។ ​ស្ថិរភាព​នយោបាយ​ជា​កត្តា​សំខាន់​ក្នុង​ការ​កសាង​ទំនុក​ចិត្ត​សេដ្ឋកិច្ច​សម្រាប់​អ្នក​វិនិយោគ ​។ លោកថា ប្រសិនបើគណបក្សភឿថៃនៅតែអាចគ្រប់គ្រងស្ថានការណ៍បាន ខ្ញុំគិតថា ទំនុកចិត្តនឹងត្រលប់មកវិញជាយថាហេតុ។

ឥឡូវនេះ «អ្វីដែលវិស័យឯកជនថៃចង់ឃើញ គឺប្រសិនបើមានការផ្លាស់ប្តូរនយោបាយ គួរតែធ្វើតាមប្រព័ន្ធ មិនមែនអំណាចក្រៅប្រព័ន្ធ ដូចជា«រដ្ឋប្រហារ»នោះឡើយ ។ ក្រោមច្បាប់មាន ៣ ជម្រើស៖ ១.លោកស្រី ផែថងថាន នៅជានាយករដ្ឋមន្រ្តីបន្ត និងកែសម្រួលគណៈរដ្ឋមន្ត្រី ២.នាយករដ្ឋមន្រ្តីលាលែងពីតំណែង ហើយឲ្យរដ្ឋសភា រើសនាយករដ្ឋមន្ត្រីថ្មី និងគណៈរដ្ឋមន្ត្រីថ្មី ៣. រំលាយសភា ដើម្បីឲ្យប្រជាជន​ជ្រើសរើស​តំណាង​របស់​ខ្លួន​ម្តងទៀត ហើយ​ត្រឡប់​មក​បោះឆ្នោត​ជ្រើសរើស​នាយករដ្ឋមន្ត្រី​ថ្មីឡើង​វិញ»។

អាជីវករនៅថៃ លក់បន្លែមិនដាច់

ពាណិជ្ជករថៃលើកឡើងទៀតថា ចំណុចខ្សោយរបស់រដ្ឋាភិបាលថៃ គឺមានគណបក្សនយោបាយចម្រុះច្រើនពេក និងបញ្ហាខ្មៅមួយទៀត គឺអំពើពុករលួយ ប្រសិនបើ​បញ្ហា​នេះ​មិន​ត្រូវ​បាន​លុប​បំបាត់​ធ្ងន់ធ្ងរ​ទេ ប្រជាជន​នឹង​មិន​មាន​ទំនុក​ចិត្ត​ និងមិនមាន​ការ​វិនិយោគទេ ។

ចំពោះការចរចារពន្ធជាមួយអាមេរិក អ្នកសេដ្ឋវិទូថៃនិយាយថា បើរដ្ឋាភិបាលក្លាយជារដ្ឋាភិបាលចាំផ្ទះ គេមិនអាចស្រមៃថាត្រូវចរចាជាមួយលោក ត្រាំ យ៉ាងដូចម្តេចទេ អាចមិនបានទទួលលទ្ធផលជាក់ស្តែង។

លោក ភិផាត់ លឿងណាណាមិតឆៃ ប្រធានសេដ្ឋវិទូនៃក្រុមហ៊ុន Kiatnakin Phatra Financial Group និយាយថា «នយោបាយ​ថៃ​ជា​ប្រធានបទ​ពិបាក​យល់ ដោយសារ​មិនមានភាព​ច្បាស់លាស់​»។ តើរំលាយសភាឬ? តើថវិកាឆ្នាំ 2026 នឹងអនុម័តឬអត់ គឺអាស្រ័យលើនយោបាយទាំងស្រុង ។ បើ​ថវិកា​មិន​ហុចឲ្យ​ទេ សេដ្ឋកិច្ច​ថៃ​ក្នុង​ត្រីមាស​ចុង​ក្រោយ​នៃ​ឆ្នាំ​នេះ​នឹង​ធ្លាក់​ចុះ​ជាក់​ជា​មិន​ខាន ហើយបញ្ហានយោបាយដ៏ផុយស្រួយក្នុងប្រទេស ដែលធ្វើឱ្យអ្នកវិនិយោគថៃ និងបរទេសបាត់បង់ទំនុកចិត្ត ៕

បន្លែនៅថៃ មានតែអ្នកលក់ គ្មានអ្នកទិញ