ប្រែសម្រួលដោយ សាវុឌ្ឍ៖

ប្រទេសប្រេស៊ីលមានមនុស្សស្លាប់ដោយសារកូវីដ-១៩ ចំនួន ៥០០.០០០ នាក់ហើយ នៅពេលរដូវរងារជិតចូលមកដល់ ធ្វើឲ្យស្ថានការណ៍រ៉ាំរ៉ៃ ឯប្រធានាធិបតីបានរងការរិះគន់យ៉ាងខ្លាំងចំពោះការផ្គត់ផ្គង់វ៉ាក់សាំងយឺតយ៉ាវ ។

ប្រធានាធិបតី ណាហ៊ី បូលសូណារូ ត្រូវបានរិះគន់យ៉ាងខ្លាំងពីការបដិសេធវិធានការគ្រប់គ្រងកូវីដ-១៩ ដូចជា ផែនការចាក់វ៉ាក់សាំង ការចាក់សោ ​(LockDwon) និង ការគម្លាតសង្គម ជាដើម ។ ភាគីគណបក្សប្រឆាំងបានបន្ទោសលោក ណាហ៊ី ចំពោះការយឺតយ៉ាវក្នុងការទិញវ៉ាក់សាំងដោយសារមូលហេតុនយោបាយ ។

ស្ថាប័នសុខភាពហ្វីអូគ្រូសនិយាយថា ស្ថានការណ៍របស់ប្រេស៊ីលស្ថិតនៅក្នុងដំណាក់កាល«វិបត្តិ» ដែលមនុស្សចាស់ត្រឹម ១៥% ប៉ុនណោះដែលបានទទួលការចាក់វ៉ាក់សាំងពេញលេញ ។

ការរាតត្បាតនៅក្នុងប្រទេសប្រេស៊ីល ដែលបច្ចុប្បន្នមានឈ្មោះថា «កូវីដ ហ្គេមម៉ា» ជាមធ្យមមានអ្នកជំងឺចំនួន ៧ ម៉ឺនករណី ត្រូវបានបញ្ជាក់កាលពីសប្តាហ៍មុន ។

អ្នកជំនាញព្រមានអំពីការចាប់ផ្តើមនៃរដូវរងា ស​ប្តា​ហ៍​ក្រោយអាចបណ្តាលឱ្យមានការឆ្លងកាន់តែច្រើន ។

ស្ថាប័នសុខភាពហ្វីអូគ្រូសនិយាយទៀតថា «ប្រេស៊ីលកំពុងប្រឈមនឹងស្ថានការណ៍វិបត្តិនៃការរាតត្បាតក្នុងសហគមន៍ និងកំពុងអាក្រក់ទៅក្នុងប៉ុន្មានសប្តាហ៍ខាងមុខ ដោយសារការចាប់ផ្តើមរដូវរងារ» ៕