ប្រភពពី hilight.kapook
ដោយ សូរ្យសែង៖
លាតត្រដាងហេតុការណ៍ជាមួយនារី រត់តម្រង់ទៅរកព្រះទីនាំងរបស់ព្រះបាទរជ្ជកាលទី ១០ នៃព្រះមហាក្សត្រថៃ រហូតដល់មេទ័ពត្រូវចូលទៅឃាត់ចាប់ស្ត្រីឡាវម្នាក់ តែព្រះមហាក្សត្រក៏បានបញ្ជាឱ្យយកទៅព្យាបាល ។
ថ្ងៃទី ២៨ ខែធ្នូ ឆ្នាំ ២០២១ ព្រះបាទសម្តេចព្រះចៅយូហួ និងសម្តេចព្រះមហាក្សត្រីថៃ យាងទៅគោរពព្រះវិញ្ញាណក្ខន្ធ ព្រះបាទ តាកស៊ីន មហារាជនៅព្រះបរមរាជាអនុស្សាវរីយ៍ វង្សវៀនយ៉ៃ ក៏កើតឧប្បត្តិហេតុជាមួយស្ត្រីម្នាក់ រត់តម្រង់ទៅព្រះមហាក្សត្រ និងព្រះទីនាំង រហូតបង្កការភ្ញាក់ផ្អើលដល់មន្ត្រី និងប្រជាពលរដ្ឋនៅតំបន់នោះជាខ្លាំង ។
ក្រោយការសាកសួរ បានឲ្យដឹងថា ស្ត្រីរូបនោះមានអាយុ ៤៤ ឆ្នាំ ជនជាតិលាវ មកពីខេត្តសុវណ្ណខេត បានចូលមកស្រុកថៃតាំងពីឆ្នាំ ២០១៦ ជាមួយស្វាមី និងកូនប្រុសម្នាក់ ហើយមកចូលរួមជាមួយពលរដ្ឋថៃដទៃទៀត ក្នុងពិធីស្តេចយាង ។
ប៉ូលិសនៅបានឆែកមើលក្នុងទូរស័ព្ទរបស់ស្ត្រីនោះ ឃើញមានព្រះបរមឆាយ៉ាលក្ខណ៍របស់ ព្រះបាទសម្តេចព្រះយូហួ ជាច្រើនប៉ុស្តិ៍ ។ ស្ត្រីនោះប្រាប់ថា ខ្ញុំមានសេចក្តីស្រឡាញ់ និងមានជំនឿទៅលើសម្តេចព្រះចៅយូហួ ព្រះមហាក្សត្ររបស់ថៃ ខ្ញុំគ្មានចេតនារត់ចូលទៅដោយមិនសមរម្យ តែសប្បាយចិត្តដោយបានឃើញព្រះមហាក្សត្រថៃផ្ទាល់ភ្នែក ។
ទោះយ៉ាងណា ប៉ូលិសបានសន្ទនាជាមួយស្តី្រលាវនោះ និងសង្កេតឃើញថា គាត់មានសភាពរោគចិត្ត ព្រោះនៅពេលមួយគាត់បាននិយាយថា គាត់បាននិយាយជាមួយហ្លួង តាមទូរស័ព្ទ និងតាមអនឡាញ ។
ដោយសារព្រះមហាក្សត្រមានព្រះករុណាទិគុណ និងសេចក្ដីមេត្តាទើបទ្រង់បញ្ជាឱ្យនាំស្ត្រីនោះទៅព្យាបាល ។ អ្វីក៏ដោយដែលអាចជួយបានគឺមានប្រយោជន៍ ព្រោះគេចាត់ទុកថាជាជនជាតិឡាវ ដែលពឹងលើព្រះមហាក្សត្រទៅរស់នៅក្នុងប្រទេសថៃ ៕