ដោយ សូរ្យសែង៖
មានហេតុការណ៍ផ្ទុះគ្រាប់បែកយ៉ាងខ្លាំងនៅផ្សារមួយ ជាផ្សារលក់ដុំ ចំកណ្តាលទីក្រុងយេរេវ៉ាន (Yerevan) ប្រទេសអាមេនី បណ្តាលឲ្យអគារមួយចំនួនបាក់រលំកាលពីថ្ងៃទី ១៤ ខែសីហា ដោយចុងក្រោយបំផុតនៅថ្ងៃទី 15 ខែសីហាចំនួនអ្នកស្លាប់បានកើនឡើងដល់ ៦១ នាក់ និងរបួស ១៥ នាក់បាត់ខ្លួន ខណៈដែលអាជ្ញាធរនៅតែបន្តស្វែងរកអ្នករស់រានមានជីវិតនៅក្រោមគំនរបាក់បែក ។
គេរំពឹងថា អ្នកនៅមានជីវិតក្រោមគំនរបាក់បែកនៃអគារ អាចនៅមានច្រើន ហេតុដូចនេះ មន្ត្រីជួយសង្គ្រោះធ្វើដោយប្រុងប្រយ័ត្នបំផុត ។
ចំពោះមូលហេតុនៃការផ្ទុះនេះ មន្ត្រីជំនាញកំពុងធ្វើការស៊ើបអង្កេត ទោះយ៉ាងណា វីដេអូនៃឧប្បត្តិហេតុដែលត្រូវបានផ្សព្វផ្សាយតាមប្រព័ន្ធអ៊ីនធឺណែត បានបង្ហាញឱ្យឃើញពីភ្លើងដ៏សន្ធោរសន្ធៅ អមដោយការផ្ទុះជាបន្តបន្ទាប់ ខណៈដែលព្រះរាជអាជ្ញាធ្វើការស៊ើបអង្កេតលើការរំលោភលើច្បាប់នៃការផ្ទុកដែលអាចឆេះបាន ។ មានប្រព័ន្ធផ្សព្វផ្សាយមួយចំនួនបានរាយការណ៍ថា វាអាចជាឃ្លាំងស្តុកកាំជ្រួចជាច្រើន ៕
from AFP