មជ្ឈមណ្ឌលគ្រប់គ្រង និងការពារជំងឺឆ្លង បានឲ្យដឹងនៅថ្ងៃព្រហស្បតិ៍ ទី ១៤ កក្កដានេះថា មានអ្នកឆ្លងមេរោគកូវីដ-១៩ ក្នុងមួយថ្ងៃ (២៤ម៉ោង) មានចំនួន ៣៩.១៩៦ នាក់ ធ្វើឲ្យចំនួនអ្នកឆ្លងសរុបមាន ១៨.៦៤១.២៧៨ នាក់ ។
តួលេខចុងក្រោយបំផុត គឺច្រើនជាងទ្វេដងនៃតួលេខកាលពីសប្តាហ៍មុនដែលមានអ្នកឆ្លងត្រឹម ១៨.៥១១ នាក់ ប្រភេទអូមីក្រុង BA.5 ។
កាលពីសប្តាហ៍មុន ប្រទេសកូរ៉េខាងត្បូងបានឈានចូលរលកថ្មីនៃការផ្ទុះឡើង ហើយBA.5 នឹងក្លាយទៅជាមេរោគឆ្លងច្រើនបំផុតក្នុងប្រទេសកូរ៉េខាងត្បូងឆាប់ៗនេះ វាមានចំនួន 35% នៃករណីកើនឡើងពី ២៨.២% កាលពីសប្តាហ៍មុន ៕
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានចេញសារពិសេសមួយ កាលពីថ្ងៃទី ១៣ កក្កដា ជូនជនរួមជាតិ ឲ្យប្រុងប្រយ័ត្នចំពោះការឆ្លងរាលដាលជាថ្មី ហើយឲ្យអនុវត្ត «៣កុំ ៣ការពារ» កាត់បន្ថយការប្រមូលផ្តុំ និងបានអំពាវនាវពលរដ្ឋខ្មែរ អញ្ជើញទៅចាក់វ៉ាក់សាំងឲ្យគ្រប់ដូស ដើម្បីការពារជំងឺឲ្យមានប្រសិទ្ធភាព ៕
អត្ថបទ សាវុឌ្ឋ