ទិន្នន័យផ្កាយរណបបង្ហាញថា ព្រៃអាម៉ាហ្សូននៅក្នុងប្រទេសប្រេស៊ីល បានបាត់បង់ដើមឈើជាមធ្យម ១៨ ដើមក្នុងមួយវិនាទី ក្នុងការកាប់បំផ្លាញព្រៃឈើនៅឆ្នាំ ២០២១ និងធ្វើឲ្យបរិមាណព្រៃឈើដែលត្រូវបានកាប់បំផ្លាញនៅក្នុងប្រទេសប្រេស៊ីលកើនឡើង ២០% ក្នុងឆ្នាំដដែល ។
របាយការណ៍របស់ Mapbiomas ផ្សាយថា ប្រេស៊ីលនឹងបាត់បង់ប្រហែល ១៦.៥៥៧ គីឡូម៉ែត្រការ៉េ ឬ ១០.៣១២.៥០០ ហិកតាក្នុងឆ្នាំ ២០២១ ដែលជាផ្ទៃដីធំជាងអៀរឡង់ខាងជើង និងបាត់បង់ព្រៃឈើជាង ១៣.៧៨៩ គីឡូម៉ែត្រក្រឡាក្នុងឆ្នាំ ២០២០ ឬកើនឡើង ២.៧៦៨ គីឡូម៉ែត្រការ៉េ ។
ជិត ៦០% នៃព្រៃឈើដែលត្រូវបំផ្លាញក្នុងឆ្នាំ ២០២១ គឺនៅក្នុងអាម៉ាហ្សូន (Amazon) ដែលជាព្រៃត្រូពិចធំបំផុតនៅលើពិភពលោក មានតែនៅក្នុងព្រៃអាម៉ាហ្សូនតែមួយ មានការកាប់បំផ្លាញព្រៃឈើចំនួន ៦៩៧.៥ រ៉ៃក្នុងមួយម៉ោង ឬ ១១.៨៧៥ រ៉ៃក្នុងមួយនាទី ដែលស្មើនឹង ១៨ ដើមក្នុងមួយវិនាទី។
មូលហេតុចម្បងនៃការកាប់បំផ្លាញព្រៃឈើ គឺមកពីការកាប់ឆ្ការដីធ្វើកសិកម្ម មានចំនួន ៩៧% បន្ទាប់មកដោយការជីកយករ៉ែខុសច្បាប់ជាកត្តាសំខាន់មួយទៀតផងដែរ ។
ក្នុងអំឡុងពេលបីឆ្នាំដែលលោក ចាអ៊ី បុលសូណារ៉ូ (Jair Bolsonaro) ឡើងកាន់តំណែងជាប្រធានាធិបតី ព្រៃឈើ ប្រហែល ៤២.០០០ គីឡូម៉ែត្រក្រឡាក្នុងប្រទេសប្រេស៊ីលត្រូវបានបាត់បង់ កើនឡើង ៧៥% បើប្រៀបធៀបនឹងទសវត្សរ៍មុនៗ ។ ក្រុមអ្នកបរិស្ថានបានចោទប្រកាន់លោក បុលសូណារ៉ូ ថាបានគាំទ្រការកាប់បំផ្លាញព្រៃឈើដើម្បីផលប្រយោជន៍សេដ្ឋកិច្ច និងធ្វើឱ្យភ្នាក់ងារស្រាវជ្រាវ និងការពារព្រៃឈើចុះខ្សោយ ៕
បកប្រែពី Matichun
ដោយ ម៉ារ៉ា