ដោយ សូរ្យសែងៈ

​ថ្ងៃ​ទី​៤ ខែ​កុម្ភៈនេះ AFP រាយការណ៍​អំពី​​ភ្លើង​ឆេះ​ព្រៃដ៏សាហាវ ​រាល​ដាល​ពេញ​ប្រទេស​ឈីលី បណ្តាលឲ្យចំនួនអ្នកស្លាប់បានកើនឡើងដល់យ៉ាងហោចណាស់ 51 នាក់ ជាគ្រោះមហន្តរាយមិនធ្លាប់មានពីមុនមក។ ​សាកសពជាច្រើន​នៅតាម​ដងផ្លូវ និង​ផ្ទះសម្បែង​រង​ការឆេះខ្លោច ខូចខាត​យ៉ាងធ្ងន់ធ្ងរ​។

ប្រធានាធិបតី​ឈីលី លោក ហ្គាប៊្រីអេល បូរិក (Gabriel Boric) បាន​ប្រកាស​ដាក់​រដ្ឋ​ក្នុង​ភាព​អាសន្ន​នៅ​តំបន់​កណ្តាល និង​ភាគ​ខាង​ត្បូង​នៃ​ប្រទេស ដោយសារគ្រោះមហន្តរាយ លក្ខខណ្ឌស្ងួត និងសីតុណ្ហភាពកើនឡើងដល់ 40 អង្សាសេ កំពុងធ្វើឱ្យវិបត្តិកាន់តែធ្ងន់ធ្ងរ។

បន្ទាប់​ពី​ជិះ​ឧទ្ធម្ភាគចក្រ​ទៅ​អង្កេត​តំបន់​រង​គ្រោះ​នៅ​រសៀល​ថ្ងៃ​សៅរ៍ ទី​៣ ខែ​កុម្ភៈ ម៉ោង​ក្នុង​ស្រុក លោក បូរិក បាននិយាយថា មនុស្ស 40 នាក់បានស្លាប់នៅក្នុងភ្លើងនិង 6 នាក់ទៀតបានស្លាប់ដោយសារការរលាក ហើយចំនួនអ្នកស្លាប់នឹងកើនឡើងបន្ថែមទៀត។ លោក​បាន​សន្យា​ ក្នុង​នាម​ជា​រដ្ឋាភិបាល​នឹង​ជួយ​ប្រជាជន​ឲ្យ​វិល​មក​រក​ជីវិត​ធម្មតា​វិញ។

ផ្សែងពណ៌ប្រផេះក្រាស់បានគ្របដណ្តប់ទីក្រុង វីណា ដេល ម៉ារ (Vina del Mar) ។ នៅតាមបណ្តោយឆ្នេរនៃមហាសមុទ្រប៉ាស៊ីហ្វិក គោលដៅទេសចរណ៍ពេញនិយម ជាលទ្ធផល ជនស៊ីវិលត្រូវជម្លៀស និងភៀសខ្លួនចេញពីផ្ទះសម្បែង ។ នៅតំបន់ភ្នំជុំវិញ វីណា ដេល ម៉ារ ផ្ទះទាំងឡាយត្រូវបានឆេះពេញមួយយប់ ។ ទន្ទឹមនឹងមនុស្សរាប់ពាន់នាក់បានត្រឡប់ទៅផ្ទះរបស់ពួកគេវិញ ដែលបំផ្លាញទាំងស្រុងដោយភ្លើង។

មន្ត្រី​នឹង​អនុវត្ត​បម្រាម​គោចរ​ចាប់​ពី​ម៉ោង​៩​យប់​ថ្ងៃ​សៅរ៍ ទី​៣ ខែ​កុម្ភៈ ដើម្បី​ដឹក​ជញ្ជូន​សម្ភារៈ​សង្គ្រោះ​បន្ទាន់ ជាពិសេសប្រេងឥន្ធនៈចូលក្នុង។

នៅ​ទូទាំង​ប្រទេស​មាន​ភ្លើង​ឆេះ​ព្រៃ​ចំនួន ៩២ ដែល​មាន​ផ្ទៃ​ក្រឡា ៤៣០ លាន​ម៉ែត្រការ៉េ។ ក្រុមពន្លត់អគ្គីភ័យកំពុងគ្រប់គ្រងស្ថានការណ៍នៅ 29 ចំណុច ខណៈភ្លើងនៅ 40 ចំណុចទៀតកំពុងគ្រប់គ្រង ។

លោកស្រី ម៉ាការេណា រីប៉ាម៉ុនទី (Macarena Ripamonti) អភិបាលក្រុង វីណា ដេល ម៉ារ បាននិយាយថា «យើងកំពុងប្រឈមមុខនឹងគ្រោះមហន្តរាយដែលមិនធ្លាប់មានពីមុនមក ស្ថានភាពនៃកម្រិតនៃភាពធ្ងន់ធ្ងរនេះមិនដែលកើតឡើងនៅក្នុងតំបន់នេះ ៕