ដោយ សូរ្យរិទ្ធ៖
អនុរដ្ឋមន្ត្រីការបរទេសរុស្ស៊ីលោក Sergey Ryabkov បាននិយាយកាលពីចុងសប្តាហ៍នេះថា ចំនួនប្រទេសកំពុងកើនឡើងកំពុងឆ្ពោះទៅរកការចូលរួមជាមួយ BRICS ដែលនៅពេលនេះមានប្រទេសជិត១២ តម្រង់ជួរដើម្បីដាក់ពាក្យចូល ។ បច្ចុប្បន្នរដ្ឋជាសមាជិកកំពុងពិភាក្សាអំពីវិធីពង្រីកវិសាលភាពរបស់អង្គការនេះ ។
BRICS ជាអ្វី?
BRICS ជាអក្សរកាត់មកពីប្រទេស ៥ ដំបូងដែលរួមគ្នា គឺ Brasil, Russia, India, China និង South Africa និងមានប្រទេសជាច្រើនទៀតកំពុងដាក់ពាក្យចូលរួមក្រុមរួចហើយ ដូចជា ទួរគី ម៉ិកស៊ិក ឥណ្ឌូនេស៊ី អារ៉ាប់រួម និងអេហ្ស៊ីប ។
សមាជិក BRICS កំពុងពិភាក្សាគ្នា ដើម្បីកសាងហេដ្ឋារចនាសម្ព័ន្ធនយោបាយ សម្រាប់គម្រោងអភិវឌ្ឍន៍ និងពាណិជ្ជកម្មអន្តរជាតិ មិនពឹងផ្អែកលើស្ថាប័នក្រោមឥទ្ធិពលរបស់សហរដ្ឋអាមេរិក និងមហាអំណាចលោកខាងលិចផ្សេងទៀត ។
BRICS ដែលបានចាប់ផ្តើមជាក្រុមក្រៅផ្លូវការនៃបណ្តាប្រទេសកំពុងអភិវឌ្ឍន៍ដែលមិនរាប់បញ្ចូលប្រទេសលោកខាងលិច កំពុងដើរតួនាទីកាន់តែសំខាន់នៅលើឆាកអន្តរជាតិ ។ លោក Ryabkov បាននិយាយនៅក្នុងបទសម្ភាសន៍ជាមួយ TashNews កាលពីថ្ងៃទី ១៥ មិថុនា បញ្ជាក់ថា អង្គការបដិសេធគំនិតដែលថាប្រទេសមួយចំនួនបានកេណ្ឌប្រទេសផ្សេងទៀតឲ្យចូលរួម ផ្ទុយទៅវិញ វាកំណត់របៀបវារៈជាក្រុមដោយផ្អែកលើការមូលមតិគ្នា ។
Ryabkov បាននិយាយថា រដ្ឋជាសមាជិកនៅតែស្ថិតក្នុងការពិភាក្សាអំពីរបៀបពង្រីកព្រំដែន និងច្បាប់របស់ BRICS ដែលអ្នកដាក់ពាក្យត្រូវតែអនុវត្តតាម សូម្បីតែមុននេះ ប្រទេសអាហ្វ្រិកខាងត្បូង ដែលមិនមែនជាសមាជិកស្ថាបនិក បានទទួលការអញ្ជើញឱ្យចូលរួមក្នុងឆ្នាំ 2010 ដោយគ្មានលក្ខខណ្ឌជាមុន ។
ក្នុងចំណោមពួកគេ រដ្ឋសមាជិកស្នើជម្រើសជំនួសប្រាក់ដុល្លារក្នុងពាណិជ្ជកម្មទ្វេភាគី ។ មន្ត្រី BRICS សង្កត់ធ្ងន់ថា សហរដ្ឋអាមេរិក ប្រើអាវុធដែលពួកគេគ្រប់គ្រងនៅក្នុងទុនបម្រុងអន្តរជាតិ ដាក់ទណ្ឌកម្មសេដ្ឋកិច្ចឯកតោភាគី ដើម្បីសម្រេចបាននូវគោលដៅភូមិសាស្ត្រនយោបាយរបស់ខ្លួន ៕
ប្រភព RT NEWS