ដោយ សួរ្យសែង៖
ថៃធ្វើខុសម្តងហើយម្តងទៀត! អ្នកគាំទ្របាល់ទាត់ថៃមួយក្រុមបានគប់កាំជ្រួចចូលទៅក្នុងទីលាន បន្ទាប់ពីក្រុម U17 ថៃ លេងចាញ់ U17 កូរ៉េខាងត្បូង ក្នុងលទ្ធផល 4-1 ដោយខកខានក្នុងការប្រកួតជម្រុះ World Cup ឆ្នាំ 2023 ដែលប្រទេសឥណ្ឌូនេស៊ីធ្វើជាម្ចាស់ផ្ទះ ។
លទ្ធផលក្រោយការប្រកួតបាល់ទាត់ជើងឯកអាស៊ី U17 ថ្ងៃទី២៥ ខែមិថុនា ឆ្នាំ២០២៣ ជាការប្រកួតជម្រុះ ៨ក្រុមចុងក្រោយ ក្រុមជម្រើសជាតិថៃ U17 បានចូលទីលានប្រកួតជាមួយកូរ៉េខាងត្បូង នៅកីឡដ្ឋាន Pathum Thani ដោយការប្រកួតនេះមានសំបុត្រ ទៅលេង U17 World Cup ជាការភ្នាល់ ថៃបានឡើងជាជើងឯកក្នុងពូល A ខណៈកូរ៉េខាងត្បូង ឡើងឈរនៅលេខរៀងពូល B។ លទ្ធផលក្រុម U17 ថៃ គឺចាញ់ U17 កូរ៉េខាងត្បូង 1-4 មិនអាចទៅលេង World Cup 2023 បាន ។
ក្រោយពីការប្រកួត អ្នកគាំទ្រមួយក្រុមបានបាញ់កាំជ្រួច ខណៈក្រុមជម្រើសជាតិ U17 ថៃ ដើរមកអរគុណអ្នកគាំទ្រខាងលើ នេះជាសកម្មភាពល្មើសនឹងច្បាប់ប្រកួត ដោយប្រព្រឹត្តនៅមុខគណៈកម្មការប្រកួតអាស៊ីការ AFC ដែលអាចមានទោសច្រើនករណី ពិន័យជាប្រាក់ រហូតដល់មានការហាមឃាត់មិនឱ្យធ្វើជាម្ចាស់ផ្ទះរាល់ការប្រកួតទៀតផង ។
កន្លងមក សមាគមបាល់ទាត់ថៃត្រូវបាន AFC ពិន័យក្រុមគាំទ្របាលទាត់ថៃ បួនដងមកហើយ រួមទាំងពិន័យជាទឹកប្រាក់ផងដែរ ។ ក្នុងលើកនេះទៀត មិនទាន់ដឹងថា AFC នឹងពិន័យក្រុមថៃយ៉ាងណាទៀត ពីព្រោះគណៈកម្មការប្រកួតបាល់ទាត់អាស៊ី ណែនាំច្រើនដងមកហើយ ឲ្យរក្សាការពារអ្នកគាំទ្រឲ្យមានរបៀបរៀបរយ ៕
ប្រភពពី springnews