ពី mgronline ដោយ សូរ្យសែង
តម្រួតវៀតណាម បានចោទប្រកាន់មនុស្ស 75 នាក់ ជាភេរវករ បន្ទាប់ពីបានវាយប្រហារដោយកាំភ្លើងនៅស្ថានីយ៍ប៉ូលីសចំនួនពីរ ដែលបានបណ្តាលឱ្យមនុស្ស 9 នាក់បានស្លាប់នៅតំបន់ខ្ពង់រាបភាគកណ្តាលរបស់ប្រទេស ។
អំពើហឹង្សាដោយកាំភ្លើង គឺជារឿងចម្លែកបំផុតនៅក្នុងប្រទេសវៀតណាម ដែលពលរដ្ឋគ្មានសិទ្ធិគ្រប់គ្រងអាវុធខុសច្បាប់ ។ ប៉ុន្តែកាលពីសប្តាហ៍ទី ២ នៃខែមិថុនានេះ ក្រុមអ្នកជិះម៉ូតូបានប្រើកាំភ្លើង និងអាវុធផ្សេងៗទៀត ដើម្បីវាយប្រហារការិយាល័យគណៈកម្មាធិការប្រជាជន និងប៉ុស្តិ៍ប៉ូលីសមួយនៅក្នុងស្រុកគូគីន (Cu Kin) នៃខេត្តដាកឡាក់ (Dak Lak) ដែលមនុស្ស ៩ នាក់ត្រូវបានសម្លាប់ ក្នុងនោះមានមន្ត្រីប៉ូលីស ៤ នាក់ មន្ត្រីក្នុងតំបន់ពីរនាក់ និងជនស៊ីវិល ៣ នាក់ ។
«នេះគឺជាអំពើភេរវកម្មប្រឆាំងនឹងក្រុមប្រឹក្សារដ្ឋបាលប្រជាជនវៀតណាម ។ ក្រសួងសន្តិសុខសាធារណៈបាននិយាយថា វាបណ្តាលឱ្យមានផលវិបាកធ្ងន់ធ្ងរ... ។ អាជ្ញាធរបានចោទប្រកាន់មនុស្ស 75 នាក់ពីបទភេរវកម្ម និងស៊ើបអង្កេតជនសង្ស័យប្រាំបីនាក់ផ្សេងទៀតសម្រាប់ការការពារឧក្រិដ្ឋជន ។
ប៉ូលិសរឹបអូសបានអាវុធ និងកាំភ្លើងសរុប ២៣ដើម គ្រាប់បែកដៃ ២គ្រាប់ គ្រាប់កាំភ្លើង ១.១៩៩គ្រាប់ និងឧបករណ៍ផ្ទុះមួយចំនួនទៀត ។ លោកថា ការវាយប្រហារនេះគឺព្រៃផ្សៃ និងអមនុស្សធម៌។
សេចក្តីថ្លែងការណ៍ក៏បានបញ្ជាក់ផងដែរថា ប៉ូលិសមានភស្តុតាងដែលជនសង្ស័យបានទទួលជំនួយពីបុគ្គល និងអង្គការបរទេស។
តំបន់ខ្ពង់រាបកណ្តាលនៃប្រទេសវៀតណាមត្រូវបានចាត់ទុកថាជាតំបន់រសើបរបស់ប្រទេស។ វាជាមូលដ្ឋានរបស់ក្រុមជនជាតិភាគតិចជាច្រើន និងជាតំបន់ដែលមានបញ្ហាច្រើន ដូចជាសិទ្ធិដីធ្លី កុលសម្ព័ន្ធមួយចំនួននៅតំបន់នោះបានបន្តគាំទ្ររដ្ឋាភិបាលវៀតណាមខាងត្បូង ។
ប៉ូលីសបាននិយាយថា ពួកគេបានរឹបអូសទង់ជាតិ Furlo ចំនួន ១០ ដែលជាកម្មសិទ្ធិរបស់ចលនាតស៊ូរបស់កុលសម្ព័ន្ធភ្នំ។
ទណ្ឌកម្មចំពោះបទល្មើសភេរវកម្មនៅវៀតណាមអាចរួមបញ្ចូលទោសប្រហារជីវិត ៕