សូរ្យសែង៖

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ បានសព្វព្រះរាជឫហទ័យ ប្រោសប្រទានគ្រឿងឥស្សរិយយស ថ្នាក់ជាតូបការ ជូនចំពោះឯកឧត្តម ង៉ូវ បូរីណា ទីប្រឹក្សាក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្នុងឱកាសដែលឯកឧត្តម បំពេញជាសប្បុរសជនជួយកសាងសង្គមជាតិ ។

យោងតាមព្រះរាជក្រឹត្យនេះ បានឱ្យដឹងបន្តថា ការប្រោសប្រទានគ្រឿងឥស្សរិយយសពីព្រះមហាក្សត្រ ធ្វើឡើងបន្ទាប់ពីមានសេចក្តីក្រាបបង្គំទូលថ្វាយរបស់សម្តេចមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ៕