ដោយ សូរ្យសែង៖
នៅថ្ងៃទី 5 ខែកក្កដា ឆ្នាំ 2023 វិទ្យាស្ថានស្រាវជ្រាវសេដ្ឋកិច្ច និងសន្តិភាពបានចេញផ្សាយសន្ទស្សន៍ប្រទេសមានសន្តិភាព(Global Peace Index = GPI) ឆ្នាំ 2023 បង្ហាញថា ជាមធ្យមសន្តិភាពពិភពលោកបានថយចុះ 0.42% ហើយសន្តិភាពពិភពលោកបានធ្លាក់ចុះជាលើកទី 13 ក្នុងរយៈពេល 15 ឆ្នាំកន្លងមក ។
សន្ទស្សន៍សន្តិភាពសកល ឬ GPI គ្របដណ្តប់ប្រទេស និងដែនដីចំនួន 163 ដែលរួមមាន 99.7% នៃចំនួនប្រជាជនពិភពលោក។ វាផ្អែកលើ 23 សូចនាករដែលអាចទុកចិត្តបាន បរិមាណ និងគុណភាព បែងចែកជាបីប្រភេទ៖ ជម្លោះផ្ទៃក្នុង និងអន្តរជាតិ 2. សន្តិសុខ និងសុវត្ថិភាពសង្គម 3. សក្តានុពលខាងយោធា ។
ចំណាត់ថ្នាក់ GPI នៅឆ្នាំនេះបានបង្ហាញពីការថយចុះជាមធ្យម 0.42% នៃសន្តិភាពពិភពលោក និងឆ្នាំទី 13 នៃការធ្លាក់ចុះនៃសន្តិភាពពិភពលោកក្នុងរយៈពេល 15 ឆ្នាំកន្លងមក ដែលមានប្រទេសចំនួន 84 មានភាពប្រសើរឡើង ខណៈដែលប្រទេសចំនួន 79 មានសន្តិភាពតិចជាងនៅឆ្នាំ 2022 ។
នៅឆ្នាំ 2023 ប្រទេសអ៊ីស្លង់នៅតែជាប្រទេសដែលមានសន្តិភាពល្អបំផុតក្នុងពិភពលោកនៅឆ្នាំនេះ ប្រទេសនេះបានជាប់ចំណាត់ថ្នាក់លេខ 1 ចាប់តាំងពីឆ្នាំ 2008 បន្ទាប់មកគឺប្រទេសដាណឺម៉ាក អៀរឡង់ នូវែលសេឡង់ និងអូទ្រីស ។ ចំណែកប្រទេសអាហ្វហ្គានីស្ថាន ជាប្រទេសដែលមានសន្តិភាពតិចបំផុតរបស់ពិភពលោកក្នុងរយៈពេល ៨ ឆ្នាំជាប់ៗគ្នា បន្ទាប់មកគឺយេម៉ែន ស៊ីរី ស៊ូដង់ខាងត្បូង និងសាធារណរដ្ឋប្រជាធិបតេយ្យកុងហ្គោ ។
ចំណែកប្រទេសកម្ពុជាមានចំណាត់ថ្នាក់ទី ៧៣ ឯប្រទេសថៃជាប់ចំណាត់ថ្នាក់ទី ៩២ ក្នុងចំណោមប្រទេស និងដែនដីចំនួន ១៦៣ ។
បើនិយាយអំពីសន្តិភាពនៃបណ្តាប្រទេសលើសកលលោក កម្ពុជានេះហើយដែលមានសន្តិភាព សុខស្រួល រស់នៅគ្មានភ័យខ្លាចអ្វីទាំងអស់ តែបែរជាផ្តល់ចំណាត់ថ្នាក់ឲ្យកម្ពុជាលេខ ៧៣ មានពិន្ទុ ១.៩៤៧ ទៅវិញ ។
ខាងក្រោមជាប្រទេសមានសន្តិភាព សន្តិសុខបំផុត ក្នុងឆ្នាំ ២០២៣ ៖
ចំណាត់ថ្នាក់ទី ១ ប្រទេសអ៊ីស្លង់
ចំណាត់ថ្នាក់ទី ២ ដាណឺម៉ាក
ចំណាត់ថ្នាក់ទី ៣ អាយលេនដ៍
ចំណាត់ថ្នាក់ទី ៤ ញូវហ្សឺលេន
ចំណាត់ថ្នាក់ទី ៥ អូទ្រីស
ចំណាត់ថ្នាក់ទី ៦ សិង្ហបុរី
ចំណាត់ថ្នាក់ទី ៧ ព័រទុយហ្គាល់
ចំណាត់ថ្នាក់ទី ៨ ស្លូវវឺនៀ
ចំណាត់ថ្នាក់ទី ៩ ជប៉ុន
ចំណាត់ថ្នាក់ទី ១០ ប្រទេស្វីស
ចំណែក ១០ ប្រទេសដែលគ្មានសន្តិភាព សន្តិសុខ ៖
១. ប្រទេសអាហ្វហ្គានីស្ថាន
២. យេម៉េន
៣. ស៊ីរី
៤. ស៊ូដង់ខាងត្បូង
៥. សាធារណរដ្ឋប្រជាធិបតេយ្យកុងហ្គោ
៦. រុស្ស៊ី
៧. អ៊ុយក្រែន
៨. សូម៉ាលី
៩. ស៊ូដង់
១០. អ៊ីរ៉ាក់