ដោយ សូរ្យសែង៖

ប្រធានសភាថៃ លោក វ៉ាន់ ន័រ ម៉ាថា នឹងកោះប្រជុំសភាលើកទី ១ នៅថ្ងៃទី ១៣ ខែកក្កដា ដើម្បីបោះឆ្នោតរើសនាយករដ្ឋមន្ត្រី គឺបេក្ខភាពលោក ភីថា លីមចារើនរ៉ាត់ ប្រធានគណបក្សកាវក្លៃ (ឈានទៅមុខ) ដែលទទួលបានសំឡេងឆ្នោត ១៥១ សំឡេង បូកនឹងគណបក្ស ៧ ផ្សេងទៀតទទួលបាន ៣១២ សំឡេង ។

លោកស្រី ផនភីត ផេចចារើន អគ្គលេខាធិការរដ្ឋសភា បានចេញជូនដំណឹងដល់សមាជិកសភា និងសមាជិកព្រឹទ្ធសភា មកប្រជុំរួមក្នុងរបៀបវារៈ បោះឆ្នោតទុកចិត្តរើសនាយករដ្ឋមន្ត្រី តាមមាត្រា 272 នៃរដ្ឋធម្មនុញ្ញ នៃព្រះរាជាណាចក្រថៃ ៕