ទីភ្នាក់ងារសារព័ត៌មានបរទេសរាយការណ៍ពីរដ្ឋធានីវ័រស៊ីនតោន សហរដ្ឋអាមេរិក នៅថ្ងៃទី១២ ខែសីហា នេះថា លោក Merrick Garland រដ្ឋមន្ត្រីក្រសួងយុត្តិធម៌ បានថ្លែងសេចក្តីថ្លែងការណ៍ស្តីពីការផ្តល់អំណាចដល់មេធាវីសហព័ន្ធលោក David Wise ដែលកំពុងស៊ើបអង្កេតកូនប្រុសរបស់លោកប្រធានាធិបតី ចូ បៃដេន ឈ្មោះ ហាំងធើ បៃដេន (Hunter Biden) ពីបទគេចពន្ធ និងការកាន់កាប់អាវុធខុសច្បាប់ចាប់តាំងពីឆ្នាំ 2019 មកធ្វើជា «ទីប្រឹក្សាពិសេស» ។
ចំណាត់ការរបស់រដ្ឋាភិបាលក្រុងវ៉ាស៊ីនតោន បានកើតឡើង បន្ទាប់ពីលោក Weiss បាននិយាយទៅកាន់តុលាការសហព័ន្ធ នៅក្នុងរដ្ឋ Delaware ថា ការចរចាទទួលយកការសារភាព ដែលយល់ស្របជាមួយ ហាំងធើ នៅក្នុងខែមិថុនា វា «លែងមានកាតព្វកិច្ចស្របច្បាប់» បន្តទៀត ហើយកូនប្រុសរបស់មេដឹកនាំអាមេរិកនឹងត្រូវទទួលរងការត្រួតពិនិត្យបន្ថែមទៀត ក្នុងករណីមិនបង់ពន្ធក្នុងចន្លោះឆ្នាំ 2017 - 2018 ដែល លោក ហាំងធើ រកបាន 1.5 លានដុល្លារ ក្នុងអំឡុងពេលនោះ ៕
ពី dailynews
ដោយ ម៉ារ៉ា