មេដឹកនាំវៀតណាម និងកម្ពុជា ព្រមព្រៀងគ្នាធ្វើពាណិជ្ជកម្មទ្វេភាគីឲ្យដល់ ២០ ពាន់លានដុល្លារ
ដោយ សាវុឌ្ឍ៖
ពី REUTERS
វៀតណាម និងកម្ពុជាបានព្រមព្រៀងគ្នាក្នុងការធ្វើពាណិជ្ជកម្មទ្វេភាគីដល់ទៅ ២០ ពាន់លានដុល្លារក្នុងពេលឆាប់ៗនេះ ខណៈពេលដែលបង្កើនកិច្ចសហប្រតិបត្តិការដើម្បីរួមបញ្ចូលសន្តិសុខ និងការប្រើប្រាស់ទឹកពីទន្លេមេគង្គ នេះបើតាមការថ្លែងរបស់រដ្ឋាភិបាលវៀតណាមថ្ងៃនេះ (ថ្ងៃទី ១១) ធ្នូ។
សេចក្តីថ្លែងការណ៍របស់រដ្ឋាភិបាលវៀតណាម បន្ទាប់ពីកិច្ចប្រជុំនៅទីក្រុងហាណូយរវាងនាយករដ្ឋមន្ត្រី ផាម មីញជីញ (Pham Minh Trih) និងសម្តេចធិបតីនាយករដ្ឋមន្ត្រីកម្ពុជា ហ៊ុន ម៉ាណែត បាននិយាយថា ពាណិជ្ជកម្មរវាងប្រទេសជិតខាងទាំងពីរនឹងកើនឡើង 20% ជារៀងរាល់ឆ្នាំ ចាប់ពីឆ្នាំ 2015 ដល់ឆ្នាំ 2022 ដល់ 10 ពាន់លានដុល្លារកាលពីឆ្នាំមុន។
សម្តេចធិបតីនាយករដ្ឋមន្ត្រី បានទៅដល់ទីក្រុងហាណូយកាលពីថ្ងៃចន្ទ ទី ១១ ខែធ្នូ ដើម្បីចាប់ផ្តើមដំណើរទស្សនកិច្ចផ្លូវការរយៈពេលពីរថ្ងៃ ដែលជាដំណើរទស្សនកិច្ចលើកដំបូងរបស់សម្តេច ទៅកាន់ប្រទេសវៀតណាម ចាប់តាំងពីចូលកាន់តំណែងជាមេដឹកនាំកម្ពុជាកាលពីខែសីហា ឆ្នាំ ២០២៣ ។
មេដឹកនាំវៀតណាម និងកម្ពុជាបានឯកភាពគ្នាក្នុងកិច្ចប្រជុំដើម្បីជំរុញកិច្ចសហប្រតិបត្តិការលើវិស័យការពារជាតិ និងសន្តិសុខ ហើយបានសន្យាថានឹងប្រកាន់ខ្ជាប់នូវច្បាប់ដែលមិនអនុញ្ញាតឱ្យក្រុមណាមួយប្រើប្រាស់ទឹកដីរបស់អ្នកដទៃប្រឆាំងនឹងក្រុមមួយផ្សេងទៀត។
ប្រទេសវៀតណាម និងកម្ពុជាបានបញ្ចប់ការងារបោះបង្គោលព្រំដែនគោកបាន ៨៤ ភាគរយ ហើយភាគីទាំងពីរបានឯកភាពបញ្ចប់ការបោះបង្គោលព្រំដែនដែលនៅសល់ ១៦ ភាគរយក្នុងពេលឆាប់ៗ ហើយនឹងជំរុញកិច្ចសហប្រតិបត្តិការក្នុងការគ្រប់គ្រងប្រកបដោយនិរន្តរភាព និងការប្រើប្រាស់ទឹកពីទន្លេមេគង្គ ៕
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម