UN ប្រកាសឲ្យ «បុណ្យចូលឆ្នាំចិន» ជាថ្ងៃឈប់បែបថ្មី មិនកំណត់ថ្ងៃ
ដោយ សាវុឌ្ឍ៖
បុណ្យចូលឆ្នាំចិនត្រូវបានចុះបញ្ជីជាផ្លូវការ ឲ្យជាថ្ងៃឈប់សម្រាកអណ្តែត មិនកំណត់ថ្ងៃ (Floating Holiday) របស់អង្គការសហប្រជាជាតិ (UN) ក្នុងប្រតិទិននៃកិច្ចប្រជុំ និងការជួបពិភាក្សាផ្សេងៗចាប់ពីឆ្នាំ ២០២៤ តទៅ ។
នេះបើតាមទីភ្នាក់ងារព័ត៌មានស៊ីនហួថា មហាសន្និបាតអង្គការសហប្រជាជាតិបានអនុម័តសេចក្តីសម្រេចចិត្តមួយដោយទទួលស្គាល់ពីសារសំខាន់នៃពិធីបុណ្យចូលឆ្នាំចិន ដែលជាពិធីបុណ្យដ៏សំខាន់មួយនៅក្នុងប្រទេសសមាជិកអង្គការសហប្រជាជាតិ រួមជាមួយនឹងការអំពាវនាវទីភ្នាក់ងារនានារបស់អង្គការសហប្រជាជាតិឱ្យចៀសវាងការណាត់ប្រជុំចំឱកាសបុណ្យចូលឆ្នាំចិនទៀតផង ។
ទស្សនៈនេះត្រូវបានអនុម័តដោយមិនមានការបោះឆ្នោត កាលពីថ្ងៃសុក្រ (ថ្ងៃទី ២២ ខែធ្នូ) ហើយនឹងត្រូវបានពិចារណានៅពេលពង្រាងប្រតិទិននៃសន្និសីទ និងការពិគ្រោះយោបល់របស់អង្គការសហប្រជាជាតិនាពេលអនាគ ត៕
ដោយ ទីភ្នាក់ងារព័ត៌មាន InfoQuest (២៤ ធ្នូ ២៣)
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម