ដោយ សូរ្យសែង៖

គណៈកម្មាធិការរៀបចំការបោះឆ្នោតកណ្តាលតៃវ៉ាន់ លទ្ធផលនៃការរាប់សន្លឹកឆ្នោតចុងក្រោយរើស ប្រធានាធិបតី ត្រូវបានរាយការណ៍តាមរយៈគេហទំព័រផ្លូវការនៅម៉ោង 10:07 យប់ (ម៉ោងក្នុងតំបន់)៖ ឡៃ ឈីងទឹ (គណបក្សប្រជាធិបតេយ្យឈានមុខ DPP) បាន 5,586,019 សំឡេង (40.05%), ហ៊ូ យូអ៊ី (គណបក្សកុកមិងតាំង) 4,671,021(33.49%) និង លោក ឃើ វេនជើ (Kei Wenze) (បក្សប្រជាជនតៃវ៉ាន់) 3,690,466 (26.46%) ។

លោក ឡៃ ឈិងទឺ នឹងក្លាយជាប្រធានាធិបតីតៃវ៉ាន់បន្ទាប់ពីប្រធានាធិបតីស្ត្រីលោកស្រី ឆៃ អ៊ិងវើន មកពីគណបក្សប្រជាធិបតេយ្យឈានមុខ (DPP) ។ នេះគឺជាលើកទីមួយចាប់តាំងពីឆ្នាំ 2000 ដែលគណបក្សនយោបាយមួយនៅតៃវ៉ាន់បានឈ្នះការបោះឆ្នោត និងបានកាន់អំណាចសម្រាប់អាណត្តិទី 3 ជាប់ៗគ្នា ហើយគណបក្សនយោបាយធំៗចំនួនពីរ គឺ កុកមិងតាំង និង DPP បានប្តូរវេនឈ្នះការបោះឆ្នោត និងគ្រប់គ្រងតៃវ៉ាន់ពីរអាណត្តិជាប់គ្នា ។

ចៃដន្យ​ក្រោយ​បក្ស ​គួមិងតាំង ​ដឹកនាំ​ដោយ ​ជៀង កៃ​សេក រដ្ឋាភិបាលនៃសាធារណរដ្ឋចិនត្រូវបានផ្លាស់ទៅតៃវ៉ាន់បន្ទាប់ពីសង្គ្រាមស៊ីវិលចិនត្រូវបានបាត់បង់នៅឆ្នាំ 1949 ។ គួមីនតាងគឺជារដ្ឋាភិបាលដែលបានកាន់អំណាចរបស់តៃវ៉ាន់ពីមុន (ឈ្មោះផ្លូវការគឺសាធារណរដ្ឋចិន) អស់រយៈពេលជាង 50 ឆ្នាំរហូតដល់ឆ្នាំ 2000 នៅពេលដែល DPP បានឈ្នះការបោះឆ្នោត និងកាន់តំណែងជាប្រធានាធិបតីពីរអាណត្តិជាប់គ្នាគឺ ឈើន ស៊ូបៀន (2000-2008) និងក្រោយមក កុកមិងតាំងបានឈ្នះការបោះឆ្នោត 2 ដងជាប់គ្នា កាន់អំណាចជាប្រធានាធិបតី 2 អាណត្តិគឺ ម៉ា យីងជីវ (2008-2016) ហើយក្រោយមក DPP បានត្រលប់មកឈ្នះការបោះឆ្នោត និងកាន់អំណាចជាប្រធានាធិបតី 2 អាណត្តិគឺលោកស្រី ឆៃ អ៊ិងវើន (2016-បច្ចុប្បន្ន)។

ប៉ុន្តែ គណបក្ស​ប្រជាធិបតេយ្យឈានមុខ (DPP) ទទួល​ស្គាល់​ថា ខ្លួន​មិន​បាន​ទទួល​អាសនៈ​គ្រប់​គ្រាន់​ក្នុង​សភា​ក្នុង​ការ​បោះឆ្នោត​នេះ ។

អ្នកនាំពាក្យការិយាល័យកិច្ចការតៃវ៉ាន់របស់រដ្ឋាភិបាលចិន លោក Chen Binhua បានប្រកាសនៅយប់ថ្ងៃទី ១៣ ខែមករា អំពីលទ្ធផលនៃការបោះឆ្នោតនៅតៃវ៉ាន់ថា លទ្ធផល​នៃ​ការ​បោះឆ្នោត​ជ្រើសរើស​ប្រធានាធិបតី និង​នីតិបញ្ញត្តិ​តៃវ៉ាន់​នេះ វាមិនតំណាងឱ្យចរន្តនៃឆន្ទៈរបស់ប្រជាជននៅលើកោះតៃវ៉ាន់ ពោលគឺ "តៃវ៉ាន់របស់ចិន"។

«យើងនឹងដោះស្រាយបញ្ហាតៃវ៉ាន់ សម្រេចបានការបង្រួបបង្រួមជាតិឡើងវិញ ប្រកាន់ខ្ជាប់នូវ «គោលការណ៍ចិនតែមួយ» ក្រោម «កុងសង់ស៊ីស ១៩៩២ (92 Consensus*)» ហើយឈរយ៉ាងរឹងមាំប្រឆាំងនឹងចលនាបំបែកខ្លួន និងការជ្រៀតជ្រែកនៃឥទ្ធិពលខាងក្រៅ ។

• *សម្គាល់៖ 'Consensus 92' ("九二共识" /1992 Consensus) បានអនុម័ត «គោលការណ៍ចិនតែមួយ»។ តំណាងនៃសាធារណរដ្ឋប្រជាមានិតចិន និងអ្នកតំណាងតៃវ៉ាន់បានជួបប្រជុំគ្នានៅទីក្រុងហុងកុងក្នុងខែវិច្ឆិកា ឆ្នាំ 1992 ហើយបានឈានដល់កិច្ចព្រមព្រៀងស្តីពី «គោលការណ៍ចិនតែមួយ» ដោយភាគីទាំងពីរធានាថា «នៅក្នុងពិភពលោក» មានប្រទេសចិនតែមួយ ទាំងចិនដីគោក និងតៃវ៉ាន់ គឺជាជនជាតិចិន ប៉ុន្តែ​ភាគី​ទាំង​ពីរ​បាន​ប្រកាស​ពី​និយមន័យ​រៀង​ខ្លួន​នៃ «ចិន​តែ​មួយ»៕