admin Bong Rith:
REUTERS ផ្សាយថា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងអំណរគុណចំពោះនាយករដ្ឋមន្ត្រីថៃ ដែលមិនអនុញ្ញាតឱ្យក្រុមប្រឆាំងប្រើប្រាស់ប្រទេសថៃ ចូលជ្រៀតជ្រែកក្នុងកិច្ចការប្រទេស ប៉ុន្មានថ្ងៃបន្ទាប់ពីសកម្មជនត្រូវបានចាប់ខ្លួន ។
ការលើកឡើងនេះធ្វើឡើងបន្ទាប់ពីប្រទេសថៃចាប់ឃុំខ្លួនសកម្មជនខ្មែរបីនាក់ និងក្រុមគ្រួសាររបស់ពួកគេ ដែលក្រុមសិទ្ធិមនុស្សនិយាយថា បានទទួលស្គាល់ដោយអង្គការសហប្រជាជាតិថាជាជនភៀសខ្លួន ។
សម្តេចធិបតីមានសប្រសាសន៍ថា «សូមអរគុណចំពោះការគាំទ្រ និងចំពោះការមិនអនុញ្ញាតឱ្យទឹកដីថៃប្រើប្រាស់សម្រាប់សកម្មភាពជ្រៀតជ្រែកក្នុងនយោបាយផ្ទៃក្នុងរបស់កម្ពុជា នេះគឺជាការគោរពគ្នាទៅវិញទៅមក ហើយវាជាផលប្រយោជន៍ទៅវិញទៅមករវាងប្រទេសទាំងពីរ»។
នាយករដ្ឋមន្ត្រីថៃ លោក ទ្វីស៊ីន បានធានាដល់ភាគីកម្ពុជាថា ថៃនឹងមិនអនុញ្ញាតឲ្យអ្នកណាម្នាក់ធ្វើសកម្មភាពដែលបង្កគ្រោះថ្នាក់ដល់ប្រទេសជិតខាងឡើយ ៕