អត្ថបទ សូរ្យសែង៖
ប្រទេសវៀតណាមបានចុះបញ្ជីក្រុមនយោបាយចំនួនពីរក្រុម ដែលកំពុងប្រតិបត្តិការនៅក្នុងសហរដ្ឋអាមេរិក ថាជាអង្គការភេរវករ និងបានចោទប្រកាន់ពួកគេពីបទរៀបចំការវាយប្រហារ និងផ្សព្វផ្សាយរបៀបវារៈនៃក្រុមផ្តាច់ខ្លួន ។ ទីភ្នាក់ងារសន្តិសុខផ្ទៃក្នុងរបស់វៀតណាមបាននិយាយនៅថ្ងៃ ៦មីនា ។
ក្រុមទាំងពីរដែលបានចុះបញ្ជី រួមមានក្រុមម៉ុងតាញ៉ា (Montagnard Support Group Inc (MSGI)) ដែលមានមូលដ្ឋាននៅរដ្ឋការ៉ូលីណាខាងជើង (North Carolina) និងក្រុមម៉ុងតាញ៉ា (Montagnard Stand for Justice (MSFJ)) ដែលមានមូលដ្ឋាននៅប្រទេសថៃ ។ នេះបើតាមការបញ្ជាក់របស់ក្រសួងសន្តិសុខសាធារណៈរបស់វៀតណាម ។
ក្រុមទាំងពីរនេះ ត្រូវបានគេចោទប្រកាន់ថាមានជាប់ពាក់ព័ន្ធនឹងការវាយប្រហារបង្ហូរឈាមនៅតំបន់ Central Highlands កាលពីខែមិថុនា ឆ្នាំ២០២៣ ដែលបានបណ្តាលឲ្យមនុស្ស ៩ នាក់ស្លាប់ ក្នុងនោះមានមន្ត្រីប៉ូលិស ៤ នាក់ផងដែរ ។
ស្ថានទូតអាមេរិកនៅទីក្រុងហាណូយ និងក្រុមទាំងពីរមិនបានឆ្លើយតបភ្លាមៗចំពោះសំណើសុំការអត្ថាធិប្បាយពី Reuters ទេ។
រដ្ឋាភិបាលកុម្មុយនិស្តវៀតណាម មានភាពរសើបចំពោះសកម្មភាពរបស់ក្រុមប្រឆាំង ដែលមានមូលដ្ឋាននៅបរទេស ដែលត្រូវបានដឹកនាំដោយសមាជិកជាច្រើននៃជនភៀសខ្លួនរបស់វៀតណាម ដូចដែលពួកគេចូលចិត្តហៅជាញឹកញាប់ថា «ពួកប្រតិកិរិយា» ។
ក្រុមទាំងពីរត្រូវបានចុះបញ្ជីជាអង្គការភេរវជនកាលពីថ្ងៃពុធ ទី ៧ មីនា ឆ្នាំ ២០២៤ ដែលបានកេណ្ឌប្រជាជនមកពីជនជាតិភាគតិចនៅវៀតណាម បណ្តុះបណ្តាលហ្វឹកហាត់ពួកគេ និងបញ្ជាឲ្យពួកគេធ្វើសកម្មភាពភេរវជន ញុះញង់ការតវ៉ា សម្លាប់មន្ត្រី និងជនស៊ីវិល បំផ្លាញទ្រព្យសម្បត្តិរបស់រដ្ឋ និងព្យាយាមបង្កើតរដ្ឋរបស់ខ្លួន។ សេចក្តីថ្លែងការណ៍របស់ក្រសួងសន្តិសុខសាធារណៈ ។
សេចក្តីថ្លែងការណ៍បាននិយាយថា «ជនណាដែលចូលរួម ឬទទួលមូលនិធិពីក្រុមទាំងនេះ នឹងត្រូវបានចោទប្រកាន់ពី បទភេរវកម្ម ហើយនឹងត្រូវបានចាត់ការ» ៕