អត្ថបទ សូរ្យសែង៖
ម្សិលមិញ (១៦ មករា) នៅប្រទេសថៃមានក្រុមហ្វូងមនុស្សធ្វើយុទ្ធនាការទាមទារឲ្យលុបចោលមាត្រា ១១២ ដោយសរសេរ បដាប្រវែង ១១២ ម៉ែត្រ ប៉ុន្តែត្រូវបានប៉ូលិសថៃដកហូត និងចាប់ខ្លួនសកម្មជនយ៉ាងហោចណាស់ក៏ ២ នាក់ដែរ ពេលនោះក៏មានអ្នកចូលរួមចូលរួមស្រែកចំអកដាក់ប៉ូលីស ពីការចាប់មនុស្សនេះផងដែរ ។
រូបភាពទីភ្នាក់ងារព័ត៌មាន INN
វេលាម៉ោង ១២.៣០ នាទីថ្ងៃដដែល ប៉ូលិសបានប្រកាសឲ្យពេល ៥ នាទីដើម្បីឲ្យអ្នកកាសែត និងហ្វូងមនុស្សចេញពីទីកន្លែងប្រជុំជននេះ ។ ស្របពេលជាមួយគ្នានេះ ពិភពអនឡាញក៏បានសែររូបភាពដែលមានការចាប់ខ្លួនសកម្មជនញុកឡើងរថយន្តប៉ូលិស ប៉ុន្តែមិនព្រមឡើងតាមប៉ូលិស បានព្យាយាមគេចក្នុងហ្វូងមហាជន និងអ្នកាសែត ។
រូបភាពពី Twitter @plodaek
គួរបញ្ជាក់ថា ការទាមទារពីបាតុករវ័យក្មេង នៃចលនានិស្សិតដើម្បីសេរីភាពថៃ បានធ្វើបាតុកម្មជាង ៤ខែមកហើយ ក្នុងគោលបំណងទាមទារ និងគាបសង្កត់ឲ្យមានការធ្វើវិសោធនកម្មរដ្ឋធម្មនុញ្ញកាត់បន្ថយអំណាចរបស់ព្រះមហាក្សត្រ និងទាញទម្លាក់លោក ប្រាយុទ្ធ ច័ន្ទអូឆា ពីអំណាចនោះ និងឲ្យលុបចោលមាត្រា១១២ នៃក្រមព្រហ្មទណ្ឌដែលចែងពីការកាត់ទោសជនទាំងឡាយណា ដែលរងបទចោទពីការប្រមាថព្រះចេស្ដព្រះមហាក្សត្រ ឲ្យមានទោសពី៣ឆ្នាំ ទៅ១៥ឆ្នាំ ៕
រូបភាពទីភ្នាក់ងារព័ត៌មាន INN
រូបភាពពី Twitter @plodaek
អត្ថបទ សូរ្យសែង