លោក វ៉្លារឌីមៀរ ពូទីន ប្រធានាធិបតីរុស្ស៊ី
ប៉ូលិសរុស្ស៊ី បានសម្រុកចូលទៅក្នុងអង្គប្រជុំមួយរបស់ក្រុមភាគីប្រឆាំង ស្ថិតនៅសណ្ឋាគារមួយក្នុងទីក្រុងម៉ូស្គូ កាលពីថ្ងៃសៅរ៍ ទី ១៣ មីនា ព្រមទាំងចាប់ខ្លួនជាង ២០០ នាក់ រួមទាំងសមាជិកសំខាន់របស់ភាគីប្រឆាំងផង ។
BBC បានរាយការណ៍ថា បន្ទាប់ពីលោក អាឡិច សាន់វ៉ាលនី មេដឹកនាំប្រឆាំងដ៏ធំនៅក្នុងប្រទេសរុស្ស៊ី ត្រូវបានជាប់ពន្ធនាគារកាលពីខែកុម្ភៈ និងមេដឹកនាំផ្សេងទៀតនៃក្រុមប្រឆាំង មកពីទូទាំងប្រទេសរុស្ស៊ីបានចូលរួមកិច្ចប្រជុំនៅទីក្រុងម៉ូស្គូ ដើម្បីពិភាក្សាអំពីយុទ្ធសាស្ត្របន្ត មុនពេលការបោះឆ្នោតសភា និងការបោះឆ្នោតមូលដ្ឋានចាប់ផ្តើមនៅខែកញ្ញា ។
កិច្ចប្រជុំដែលកំពុងដំណើរការ តម្រួតក៏សម្រុកចូលចាប់ខ្លួនសមាជិកអង្គប្រជុំ ២០០ នាក់ ដោយតម្រួតនិយាយថា ពួកគេល្មើសនឹងវិធានការគ្រប់គ្រងកូវីដ-១៩ ហើយរៀបចំឡើងដោយអង្គការ «Open Russia» ។
ក្រុម Open Russia កាលពីឆ្នាំ ២០១៨
អង្គការនេះបានបង្កើតឡើងនៅចក្រភពអង់គ្លេសដោយលោក Mikhail Kodorkovsky អតីតអ្នកមានអំណាចនៅរុស្ស៊ី ដែលបានផ្លាស់ទៅនៅខាងភាគីប្រឆាំងនឹងប្រធានាធិបតី វ្ល៉ាឌីមៀរ ពូទីន បន្ទាប់ពីការកាត់ទោសគាត់ឱ្យជាប់ពន្ធនាគាររយៈពេល ១០ ឆ្នាំពីបទក្លែងឯកសារ ដែលគាត់បានបដិសេធការចោទប្រកាន់នេះ មុនពេលលោក ពូទីន បានលើកលែងទោស ហើយលោក Kodorkovsky បានផ្លាស់ទៅអង់គ្លេស ៕
ប្រភពពី thairath
ដោយ សាវុឌ្ឍ