ដោយ សូរ្យសែង៖
រដ្ឋមន្ត្រីក្រសួងទេសចរណ៍ និងកីឡាថៃឲ្យដឹងថា ដើម្បីជំរុញអ្នកទេសចរបរទេសចូលមកប្រទេសថៃ នៅត្រីមាសទី ៣ ឬចុងឆ្នាំ ២០២១ នេះ ក្រសួងទេសចរណ៍បានពិភាក្សាជាមួយក្រសួងសុខាភិបាលថៃ ស្នើឲ្យ ទេសចរបរទេសដែលបានទទួលចាក់វ៉ាក់សាំង ២ លើក ចូលមកក្នុងប្រទេសថៃបាន ដោយមិនចាំបាច់កាក់ខ្លួន (ចត្តាឡីស័ក) តែត្រូវស្ថិតក្នុងតំបន់កំណត់ ហើយត្រូវមានគោលការណ៍ណែនាំច្បាស់លាស់សម្រាប់សកម្មភាពស្របតាមលក្ខខ័ណ្ឌ ។
គោលនយោបាយនេះត្រូវបានស្នើឡើងទៅកិច្ចប្រជុំគណៈកម្មាធិការគ្រប់គ្រងស្ថានភាពសេដ្ឋកិច្ច ពីផលប៉ះពាល់នៃការផ្ទុះឡើងនៃជំងឺរាតត្បាតកូវីដ បើបានការឯកភាពហើយ នឹងបញ្ជូនឆ្លងទៅគណៈរដ្ឋមន្រ្តីបន្តមួយដំណាក់ទៀត ៕