អត្ថបទ សូរ្យរិទ្ធ៖
ឯកឧត្តម ម៉ៅ អាយុទ្ធ ជារដ្ឋលេខាធិការក្រសួងព័ត៌មាន និងជាផលិតករភាពយន្តដ៏ល្បីល្បាញ មានស្នាដៃជាច្រើនក្នុងវិស័យសិល្បៈខ្មែរ ក្នុងនោះមានស្នាដៃផលិតខ្សែភាពយន្ត ខ្សែវីដេអូ ចម្រៀងកាយវិការ កំណាព្យ ប្រលោមលោកជាដើម ភាពយន្តដែលជាស្នាដៃរបស់ឯកឧត្តមល្បីជាងគេ ប្រជាជនផ្អើលទៅទស្សនាច្រើនជាងគេ គឺរឿង «នេសាទក្រពើ» ។
ឥឡូវឯកឧត្តម ម៉ៅ អាយុទ្ធ បានទទួលមរណភាពហើយនៅល្ងាចថ្ងៃទី ១៥ ខែមេសា ចំថ្ងៃទីពីរនៃពិធីបុណ្យចូលឆ្នាំខ្មែរ ។ ឯកឧត្តមបានសម្រាកព្យាបាលជំងឺកូវី-១៩ នៅមន្ទីរពេទ្យមិត្តភាពខ្មែរ-សូវៀត ។ ក្នុងនាមយើងជាកូនខ្មែរ មានតែពាក្យសោកស្តាយ អាឡោះអាល័យដោយបាត់បង់ធនធានមនុស្សខាងវិស័យសិល្បៈ អ្នកនិពន្ធ និងដឹកនាំរឿងដ៏ល្បី និងដ៏កម្រនៅក្នងប្រទេសកម្ពុជាយើង ។
ស្នាដៃដែលលេចធ្លោ និងកក្រើកក្នុងការដឹកនាំភាពយន្តរបស់ឯកឧត្តម ម៉ៅ អាយុទ្ធ មានដូចខាងក្រោម ៖
១. ឆ្អឹងអណ្តែត ២. បិទភ្នែកហែកទ្រូង ៣. ចិត្តចងចាំ ៤. នេសាទក្រពើ និង ទី៥. ហ្លួងព្រះស្តេចកន
សូមសោកស្តាយ អាលោះអាល័យ និងសូមឧទ្ទិសវិញ្ញាណក្ខន្ធឯកឧត្តមទៅកានឋាននិពាន្វ ៕