អត្ថបទ សាវុឌ្ឍ៖
ទីភ្នាក់ងារសារព័ត៌មានបរទេសបានរាយការណ៍នៅថ្ងៃទី ២៣ ខែមេសាឆ្នាំ ២០២១ នេះថា នាវាមុជទឹក KRI ទម្ងន់ ១,៣៩៥ តោនដែលមានសមាជិកនាវិក ៥៣ នាក់ ដែលបានបាត់ខ្លួននៅរសៀលថ្ងៃព្រហស្បតិ៍ទី ២២ ខែមេសាក្នុងពេលសាកល្បងនិងបណ្តុះបណ្តាលស្តីពីការបាញ់គ្រាប់កាំភ្លើង នៅខាងជើងកោះបាលី ទីបំផុតក្រុមរុករកបានជួបសញ្ញាទំនាញម៉ាញ៉េទិក នៅក្រោមសមុទ្រជម្រៅប្រមាណពី ៥០ ម៉ែត្រ ដល់ ១០០ម៉ែត្រ ប៉ុន្តែមិនប្រាកដថាជាមេដែករបស់នាវាមុជទឹកនោះទេ ។
ខណៈពេលដែលជាតិប្រេងត្រូវបានរកឃើញអណ្តែតនៅលើផ្ទៃទឹក គេមិនអាចកំណត់ថាវាមកពីណាទេ ។ សម្មតិកម្មពីរដំបូងត្រូវបានធ្វើឡើង ២ ចំណូច ១.អាចបណ្តាលមកពីការលេចធ្លាយធុងប្រេងម៉ាស៊ូតរបស់នាវាមុជទឹក ២.វាអាចបណ្តាលមកពីចេតនារបស់នាវិក ដែលកំពុងបង្ហូរប្រេងចេញពីនាវាមុជទឹក ដើម្បីកាត់បន្ថយទំងន់របស់នាវាមុជទឹក ។
សហរដ្ឋអាមេរិក និងឥណ្ឌា កំពុងសំដៅជួយរុករកនាវាមុជទឹករបស់ឥណ្ឌូនេស៊ី ដែលបាត់ ៣ ថ្ងៃមកហើយ ហើយអុកស៊ីហ្សែននៅប្រើបានដល់ថ្ងៃសៅរ៍ស្អែកនេះ ៕