ភ្នំពេញ : នារសៀល ម៉ោង14:00 ដល់ម៉ោង 17:20នាទី  ថ្ងៃទី ៣០ ខែ ឧសភា ឆ្នាំ ២០២១ លោក ង៉ូវ បូរីណា បានចូលរួមប្រជុំតាមប្រព័ន្ធបញ្ជូនរូបភាព និង សម្លេង Google Meet ដែលមានលោក ហោ សេរីវឌ្ឍន៍ ប្រធានមូលនិធិកម្ពុជាប្រឆាំងកូវីដ១៩ ជាអធិបតីនៃអង្គប្រជុំ ។

ក្រោយការជជែក និងពិភាក្សាយ៉ាងសកម្ម អង្គប្រជុំបានសម្រេចលទ្ធផល ៥ ដូចតទៅ :

- បានត្រៀមរៀបចំបោះពុម្ពអាវដើម្បីចែកជូនសមាជិកមូលនិធិតាមកំណត់ និង លក់ដើម្បីជាចំណូលរបស់មូលនិធិ

-កំណត់ប្រើនិមិត្តសញ្ញារបស់មូលនិធិ

-ស្វែងរកដៃគូសហការក្នុងការចែករំលែកដល់ប្រជាពលរដ្ឋដែលខ្វះខាត ក្នុងបរិបទនៃការរីករាលដាលជំងឺកូវីដ-១៩

-រៀបចំការចែកគ្រឿងឧបភោគ បរិភោគ ផ្តល់ជូនប្រជាពលរដ្ឋខ្វះខាតឲ្យបានក្នុងមួយខែយ៉ាងតិច 100គ្រួសារ

- រៀបចំក្រុមការងារបន្ថែមលើការងារផ្សេងៗ ។

ថ្វីត្បិតអង្គប្រជុំធ្វើឡើងតាមប្រព័ន្ធអនឡាញក្តី ក៏សមាជិកម្នាក់ៗបានរំលេចដោយទឹកមុខញញឹម ជាមួយនឹងក្តីសង្ឃឹមនូវលទ្ធផលដែលអង្គប្រជុំថ្ងៃនេះសម្រេចបានក្នុងជំហានដំបូង ៕