រដ្ឋឥណ្ឌាមួយចំនួនបានចាប់ផ្តើមបន្ធូរបន្ថយវិធានការ LockDown ហើយ បន្ទាប់ពីចំនួនឆ្លងជំងឺ Covid-19 បានថយចុះ ដោយថ្ងៃទី ៥ ខែមិថុនា ប្រទេសឥណ្ឌាមានចំនួនអ្នកឆ្លងកូវីដ-១៩ តិចបំផុតក្នុងរយៈពេលជិត ២ ខែកន្លង ដែលឆ្លងករណីថ្មីមានចំនួន ១២០.៥២៩ នាក់ក្នុងមួយថ្ងៃ (ពីចំនួនឆ្លងក្នុងមួយ ៤០០.០០០នាក់) និងមានអ្នកស្លាប់ចំនួន ៣.៣៨០ នាក់ដែលធ្វើឱ្យចំនួនអ្នកឆ្លងសរុបកើនឡើងដល់ ២៨,៦៩ លាននាក់ និងមានអ្នកស្លាប់សរុបដល់ ៣៤៤.០៨២ នាក់។
តំបន់ដែលបន្ថយវិធានការនេះ គឺទីក្រុងដេលី ដែលហាងទំនិញត្រូវបានអនុញ្ញាតឱ្យបើកជារៀងរាល់ថ្ងៃ ហាងទំនិញលេខគូនឹងបើកមុនគេ ហាងលេខសេសនឹងបើកនៅថ្ងៃបន្ទាប់ និងអនុញ្ញាតឱ្យក្រុមហ៊ុនឯកជនអនុញ្ញាតឱ្យនិយោជិកធ្វើការបាន ៥០% នៃចំនួនបុគ្គលិកសរុប ។
លោក អារវីន ឃើល ខេរីវល (Arvind Kejrival) ចៅហ្វាយុក្រុងដេលី បានបង្ហាញតាមរយៈអនឡាញថា ស្ថានភាពជំងឺរាតត្បាត Covid-19 ទីក្រុងដេលីកំពុងល្អឡើងវិញជាបណ្តើរៗហើយ រដ្ឋនឹងសាងសង់កន្លែងផ្ទុកធុងអុកស៊ីហ្សែនចំនួន ៤២០ តោន ។
នៅរដ្ឋអ៊ូតាប្រាដេស ដែលមានចំនួនប្រជាជនច្រើនជាងគេនៅក្នុងប្រទេសឥណ្ឌា បានបើកបម្រាមគោចរពេលយប់ត្រូវបានបន្ធូរបន្ថយដល់ ៥៥ ក្នុងចំណោមស្រុកសរុប ៧៥ ដោយខណ្ឌណាមានអ្នកឆ្លងតិចជាង ៦០០ នាក់ នឹងមិនត្រូវបានចាក់សោរឡើយ ។ ទន្ទឹមនឹងនេះ ប្រសិនបើមានមនុស្សជាង ៦០០ នាក់ឆ្លងមេរោគ នឹងនៅតែបន្តចាក់សោរ រហូតដល់មានបញ្ជាជាថ្មី ។
ចំណែករដ្ឋ មហារ៉ាចត្រា (Maharashtra) ភាគខាងលិចនៃប្រទេស អាចបើកដំណើរការផ្សារទំនើប រោងភាពយន្ត ភោជនីយដ្ឋាន និងក្រុមហ៊ុនអាចបើកដំណើរការចាប់ពីថ្ងៃទី ៧ ខែមិថុនានេះតទៅ ។ មានតែនៅក្នុងស្រុកដែលមានការឆ្លងតិចជាង 5% នៃចំនួនសរុបនៃការឆ្លង ៕
ដោយ សាវុឌ្ឍ