ដោយ សូរ្យរិទ្ធ៖
តាមរយៈឃ្លីបវីដេអូខ្លីមួយបានឲ្យឃើញថា អតីតប្រធានាធិបតីចិន ហ៊ូ ជិនតាវ ត្រូវបានអញ្ជើញឲ្យចេញពីមហាសន្និបាតបក្សកុម្មុនិស្តចិន នៅទីក្រុងប៉េកាំង កាលពីថ្ងៃទី ២២ ខែតុលា ឆ្នាំ ២០២២ ធ្វើឲ្យក្រសែភ្នែកពិភពលោក មានអារម្មណ៍ ចម្លែកចិត្តថា មានរឿងអ្វី ដែលត្រូវបានបុរសពីរនាក់ចាប់ដៃឲ្យគាត់ងើបពីកៅអីរួចបណ្តើរចេញ ក្នុងពេលកំពុងដំណើរការមហាសន្និបាត ។លោក ហ៊ូ អាយុ ៧៩ ឆ្នាំ ដែលមើលទៅសុខភាពគាត់ហាក់ទ្រុឌទ្រោម អង្គុយនៅលើវេទិកាក្បែរលោក ហ្ស៊ី ជិនពីង ប្រធានាធិបតីចិនបច្ចុប្បន្ន ។ គាត់ធ្លាប់ជាប្រធានាធិបតីនៅចន្លោះឆ្នាំ ២០០៨-២០១៣ ។
មហាសន្និបាតបក្សកុម្មុយនិស្តចិនលើកទី ២០ បានប្រារព្ធធ្វើតាំងពីថ្ងៃទី ១៦ ខែតុលា ឆ្នាំ ២០២២ ដែលមានការប្រគល់តំណែងជាប្រធានាធិបតីចិនក្នុងប្រវត្តិសាស្ត្រ ៣ អាណត្តិទៅលោក ហ្ស៊ី ដែលមានឥទ្ធិពលបំផុតរបស់ប្រទេសចិន បន្ទាប់ពីលោក ម៉ៅ សេទុង ។
រូបភាពឃ្លីបទាំងនេះ បានធ្វើឲ្យភ្ញាក់ផ្អើលទូទាមអពិភពលោក ថាមានរឿងអ្វីកើតឡើង ? មានសំណួរជាច្រើនត្រូវបានសួរ តែគ្មានចម្លើយពីរដ្ឋាភិបាលចិនឡើយ ។
ក្នុងអំឡុងពេលមួយផ្នែកនៃវីដេអូ អតីតប្រធានាធិបតីចិនបង្ហាញភាពស្ទាក់ស្ទើរក្នុងការចាកចេញពីកៅអីរបស់គាត់ បើនេះជាការបង្ហាញពីការមិនស្តាប់បង្គាប់នោះ វាចោទជាសំណួរថាហេតុអ្វីបានជាដូច្នេះ តើលោកបាននិយាយអ្វីខ្លះទៅកាន់លោក ហ្ស៊ី ដែលជាអ្នកស្នងតំណែងប្រធានាធិបតី? ហើយតើលោក ហ៊ូ បាននិយាយអ្វីទៅកាន់នាយករដ្ឋមន្ត្រី លី ឃើឈាង ដែលលោកបានលើកដៃស្ទាបស្មារបស់លោក?
មានហេតុផល ២ ដែលគួរជឿទុកចិត្តបំផុតគឺ ការចាកចេញរបស់លោក ហ៊ូ គឺ៖
១. ជាការបង្ហាញពីអំណាចនយោបាយយ៉ាងពេញលេញ បង្ហាញជានិមិត្តរូបថា មេដឹកនាំសម័យចាស់ត្រូវបានដកចេញពីឆាកនយោបាយចិន ។
២. លោក ហ៊ូ អាចមានបញ្ហាសុខភាពធ្ងន់ធ្ងរ ។
ចុះប្រសិនបើគាត់ត្រូវបានគេយកចេញដោយសារតែបញ្ហាសុខភាព ហេតុអ្វីបានជារឿងនេះកើតឡើងភ្លាមៗនៅមុខកាមេរ៉ា ហើយវាជាការណ៍បន្ទាន់ឬទេ?
ដូចធម្មតា មហាសន្និបាតបក្សកុម្មុយនិស្តបានដំណើរការតាមផែនការយ៉ាងតឹងរ៉ឹង ដូច្នេះហើយគេរំពឹងថា ព្រឹត្តិការណ៍ដែលបានកើតឡើងចំពោះលោក ហ៊ូ ជិនតាវ ប្រហែលជាមិនមែនជារឿងចៃដន្យទេ នៅមុនពេលកើតហេតុ លោកបានចូលរួមប្រជុំសម្ងាត់លើកចុងក្រោយរបស់បក្ស បន្ទាប់មក កាមេរ៉ាត្រូវបានអនុញ្ញាតឱ្យចាក់ផ្សាយការប្រជុំនៅចុងបញ្ចប់នៃថ្ងៃ ដោយមន្ត្រីអញ្ជើញលោក ហ៊ូ បន្ទាប់ពីការប្រជុំចាប់ផ្តើមត្រូវបានកត់ត្រា ។
ក្នុងកំឡុងពេលកាន់អំណាចរបស់លោក ហ៊ូ បានបង្ហាញប្រទេសចិនក្នុងរបៀបខុសពីសម័យលោក ហ្ស៊ី វាក៏រក្សាតុល្យភាពរវាងភាគីនៅក្នុងគណៈកម្មាធិការអចិន្ត្រៃយ៍ការិយាល័យនយោបាយផងដែរ ។
ប្រទេសចិនក្នុងសម័យលោក ហ៊ូ ត្រូវបានគេមើលឃើញថា ជាពេលវេលានៃការបើកប្រទេសទៅកាន់ពិភពខាងក្រៅ និងអត់ធ្មត់ចំពោះគំនិតថ្មីៗ ។
ចំណែកលោក ហ្ស៊ី ក្នុងនាមជាអគ្គលេខាធិការបក្សកុម្មុយនិស្ត គាត់បានប្រើវិធីសាស្ត្រផ្សេងក្នុងការគ្រប់គ្រងប្រទេស គាត់គឺជា «ស្នូល» ដែលមិនអាចត្រូវបានជំទាស់ដោយនរណាម្នាក់ ។
គណៈកម្មាធិការកណ្តាលCPC មិនមាននាយករដ្ឋមន្ត្រី លី ឃើឈាង ឬ វ៉ាំង យ៉ាង ដែលត្រូវបានគេមើលឃើញថាមានសេដ្ឋកិច្ចសេរីនោះទេ ហើយមានគំនិតទាក់ទងនឹងរដ្ឋាភិបាលចិនក្នុងសម័យលោក ហ៊ូ ដែលបាតុភូតនេះបង្ហាញ គណៈកម្មាធិការថ្មីនៃការិយាល័យនយោបាយរបស់បក្សកុម្មុយនិស្តចិន គឺពោរពេញដោយក្រុមស្មោះត្រង់នឹងលោក ហ្ស៊ី ។
នៅពេលព្រឹក សមាជិកសរុបចំនួន 205 នាក់នៃគណៈកម្មាធិការមជ្ឈិមបក្សកុម្មុយនិស្តចិនត្រូវបានជ្រើសរើស ដែលក្នុងនោះមានលោក ហ្ស៊ី ជិនពីង និងសមាជិកជាន់ខ្ពស់ផ្សេងទៀត គាំទ្រគំនិតរបស់លោក ហ្ស៊ី ដើម្បីជាគោលការណ៍ដឹកនាំប្រទេសចិនទៅអនាគត ។
នៅក្នុងសុន្ទរកថារបស់លោកនៅក្នុងសុន្ទរកថាបើកមហាសន្និបាតបក្សកាលពីថ្ងៃទី 16 ខែតុលា លោក ហ្ស៊ី បានសាទរចំពោះការបង្រ្កាបចលនាគាំទ្រលទ្ធិប្រជាធិបតេយ្យនៅហុងកុង ផ្លាស់ប្តូរពីស្ថានការណ៍វឹកវរ មកគ្រប់គ្រងបាន ហើយក៏បានទទូចឲ្យប្រើកម្លាំងដើម្បីយកតៃវ៉ាន់មកជារបស់ខ្លួនវិញ ។
លោក ហ្ស៊ី ក៏បានបញ្ចូលតួនាទីជាអគ្គលេខាធិការបក្សកុម្មុយនិស្តផងដែរ និងជាប្រធានគណៈកម្មាធិការយោធាមជ្ឈិម និងប្រធានាធិបតីចិន ហើយត្រូវបានគេហៅថាជា «មេដឹកនាំកំពូល» របស់ប្រទេសចិន ។
គេរំពឹងថានៅថ្ងៃអាទិត្យ ទី២៣ តុលា លោកនឹងត្រូវប្រគល់តំណែងជាអគ្គលេខាធិការបក្សកុម្មុយនិស្តជាផ្លូវការសម្រាប់អាណត្តិទី៣ ហើយក្រុមអ្នកគ្រប់គ្រងថ្មីនឹងត្រូវបានបើកដំណើរការ ៕