សោកនាដកម្ម ផ្ទុះឃ្លាំងកាំជ្រួច នៅខេត្តណារ៉ាធីវ៉ាត ប្រទេសថៃ

ព័ត៌មានសង្គមថ្ងៃអាទិត្យ ទី30 ខែកក្កដា ឆ្នាំ2023 ម៉ោង 5:57 នាទី ល្ងាច

ដោយ ម៉ារ៉ា៖

ថ្ងៃទី ៣០ ខែកក្កដា ឆ្នាំ ២០២៣ របាយការណ៍ព័ត៌មាន មានការផ្ទុះ «ឃ្លាំងកាំជ្រួច» បណ្តាលឲ្យឆេះនៅស្រុកស៊ុង៉ៃកូ ខេត្តណារ៉ាធីវ៉ាត ប្រទេសថៃ បានសម្លាប់មនុស្ស ១១ នាក់ របួសជាង ១០០ នាក់ ផ្ទះ 300 ខ្នងត្រូវបានបំផ្លាញ។

ទំព័រហ្វេសប៊ុក Su-ngai Kolok ជូនដំណឹងថា សាច់ញាតិដែលបាត់ខ្លួន ឲ្យជៀសវាងការស្វែងរកដោយខ្លួនឯង ព្រោះអាចបង្កគ្រោះថ្នាក់ និងរារាំងដល់ការងាររបស់មន្ត្រី ។

ផ្ទះ និងហាងលក់ទំនិញក្នុងផ្សារត្រូវបានបំផ្លាញ នៅតាមផ្លូវពោរពេញដោយដែកអេតចាយ ក្បឿង និងកញ្ចក់ខូចដោយសារការផ្ទុះ រថយន្តដែលនាំចូលជាច្រើនគ្រឿងរងការខូចខាត ។

នៅថ្ងៃទី 30 ខែកក្កដា ឆ្នាំ 2023 នេះ ក្រុមជួយសង្គ្រោះ រួមជាមួយយោធា និងក្រុម EOD នឹងស្វែងរកសាកសពបន្ថែមទៀតរហូតមកដល់ពេលនេះ៕