ក្នុងឱកាសអញ្ជើញជួបសំណេះសំណាលជាមួយកម្មករ និយោជិតតាមរោងចក្រសហគ្រាស នៅក្រុងតាខ្មៅ ខេត្តកណ្តាល នាព្រឹកថ្ងៃទី១ ខៃកញ្ញា ឆ្នាំ២០២៣នេះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានណែនាំឲ្យលោក ឃួង ស្រេង អភិបាលរាជធានីភ្នំពេញ ត្រៀមរថយន្តដឹកកម្មករ-កម្មការិនី រួមទាំងក៏ បងប្អូនប្រជាពលរដ្ឋ ដោយឥតគិតថ្លៃ ទៅកាន់ស្រុកកំណើតឱកាសបុណ្យភ្ជុំបិណ្ឌប្រពៃណីជាតិខ្មែរខាងមុខនេះ ។
ពីមុន កាលសម្តេចតេជោ ហ៊ុន សែន ជានាយករដ្ឋមន្ត្រី ក៏បានបញ្ជាឲ្យសាលារាជធានីភ្នំពេញ ត្រៀមរថយន្តក្រុងជារៀងរាល់ឆ្នាំ ក្នុងឱកាសបុណ្យចូលឆ្នាំខ្មែរ និងបុណ្យភ្ជុំបិណ្ឌ រួមទាំងបោះឆ្នោតជាតិ ជាដើម ដើម្បីដឹកបងប្អូនកម្មករ-កម្មការិនី ក៏ដូចជាបងប្អូនប្រជាពលប្រជាពលរដ្ឋពីភ្នំពេញទៅតាមបណ្តាខេត្ត និងពីតាមបណ្តាខេត្តមកភ្នំពេញវិញ ដោយឥតគិតថ្លៃ ៕