ពី AFP ដោយ សូរ្យរិទ្ធ ៖

ប្រធានាធិបតីចិនលោក ហ្ស៊ី ជីនពីង (Xi Jinping) មកដល់ប្រទេសវៀតណាមនៅថ្ងៃអង្គារ ទី ១២ ធ្នូនេះ ក្នុងបេសកកម្មពង្រឹងទំនាក់ទំនងឲ្យខ្ពស់ បន្ទាប់ពីទីក្រុងវ៉ាស៊ីនតោន និងទីក្រុងហាណូយបានធ្វើឱ្យប្រសើរឡើងនូវទំនាក់ទំនងការទូត ។

ចិន​និង​វៀតណាម​មាន​ព្រំដែនរួមគ្នា និងមានទំនាក់ទំនងសេដ្ឋកិច្ចជិតស្និទ្ធ រួមទាំងមានបក្សកុម្មុយនិស្តគ្រប់គ្រងប្រទេសដូចគ្នាផងដែរ ប៉ុន្តែ​ការធ្វើដំណើរ​ទស្សន​កិច្ច​រយៈ​ពេល​ពីរ​ថ្ងៃ​របស់​លោក ហ្ស៊ី និង​ជា​លើក​ដំបូង​របស់​លោក​នៅ​ក្នុង​ប្រទេស​វៀតណាម​ក្នុង​រយៈ​ពេល​ប្រាំមួយ​ឆ្នាំ ។

ចំណាត់ការនេះកើតឡើង បន្ទាប់ពីប្រធានាធិបតីអាមេរិកលោក ចូ បៃដេន បានធ្វើទស្សនកិច្ចនៅទីក្រុងហាណូយកាលពីខែកញ្ញា ជាកន្លែងដែលលោកបានស្វែងរកការជំរុញការគាំទ្រប្រឆាំងនឹងឥទ្ធិពលដែលកំពុងកើនឡើងរបស់ទីក្រុងប៉េកាំងនៅក្នុងតំបន់ ។

«តាមទស្សនៈរបស់ចិន លោក Huong Le Thu នាយករងកម្មវិធីអាស៊ីរបស់វៀតណាមបានមានប្រសាសន៍ថា ប្រទេស ចិនមិនដែលឲ្យបាត់បង់វៀតណាមទៅក្នុងកណ្តាប់ដៃ របស់គូប្រជែងនោះទេ នេះ​បើ​តាម International Crisis Group និយាយ ។

«សម្រាប់វៀតណាម អ្វីបង្ហាញឲ្យឃើញពីភាពជោគជ័យរបស់ «ការទូតដើមឫស្សី» ដែលអាចផ្លាស់ប្តូររវាងប្រទេសមហាអំណាចប្រកួតប្រជែង ដោយមិនមានការបង្ខំឱ្យចូលភាគី» ។

មេដឹកនាំចិននឹងជួបពិភាក្សាជាមួយលោក ង្វៀន ហ្វ៊ូ ចុង (Nguyen Phu Trong) មេដឹកនាំបក្សកុម្មុយនិស្តដែលកំពុងកាន់អំណាចរបស់វៀតណាម ហើយនៅថ្ងៃពុធ ទី ១៣ ធ្នូ នឹងមានពិធីដាក់កម្រងផ្កានៅវិមានហូជីមិញ មុនពេលប្រធានាធិបតី ហ្ស៊ី ជួបជាមួយនាយករដ្ឋមន្ត្រី ផាម មិញជីញ និងប្រធានាធិបតី វូ វ៉ាន់ ធឿង (Vo Van Thuong) ។

ទីក្រុងហាណូយ និងវ៉ាស៊ីនតោនបានដំឡើងឋានៈដូចគ្នាកាលពីខែកញ្ញាកន្លងទៅ ។ ចុះវៀតណាម និងចិនចែករំលែកភាពជាដៃគូយុទ្ធសាស្ត្រគ្រប់ជ្រុងជ្រោយ នោះគឺជាឋានៈការទូតខ្ពស់បំផុតរបស់វៀតណាម ។ អាមេរិកធ្វើបាន ចិនក៏ធ្វើបាន !

ដំណើរ​ទស្សន​កិច្ច​នេះ​នឹង​មាន​ការ​ពិភាក្សា​អំពី​ការ​​ទំនាក់​ទំនង​ចិន​និង​វៀតណាម​ទៅ​កាន់​កម្រិត​ខ្ពស់​មួយ​ និងបញ្ហាដែលបានពិភាក្សារួមមាន នយោបាយ សន្តិសុខ និងកិច្ចសហប្រតិបត្តិការជាក់ស្តែង ការបង្កើតប្រជាមតិ បញ្ហាពហុភាគី និងបញ្ហាសមុទ្រចិន ជាដើម។

ដូចគ្នានឹងសហរដ្ឋអាមេរិកដែរ វៀតណាម​ព្រួយបារម្ភ​អំពី​ជំហរ​ឈ្លានពាន​របស់​អ្នកជិតខាង​ខ្លួន​ក្នុង​ជម្លោះ​សមុទ្រ​ចិន​ខាងត្បូង ។

ប្រទេសចិនបានខឹងសម្បារប្រទេសអាស៊ានមួយចំនួន រួមទាំងទីក្រុងហាណូយ តាមរយៈការចេញផ្សាយផែនទីផ្លូវការថ្មីនៅថ្ងៃទី ១ ខែកញ្ញា ឆ្នាំ ២០២៣ ដែលបង្ហាញពីអធិបតេយ្យភាពលើផ្លូវទឹកភាគច្រើន ។

បញ្ហាព្រំដែនសមុទ្រគឺជាបញ្ហារសើបមួយសម្រាប់ទីក្រុងហាណូយ ដែលកាលពីខែកក្កដា បានហាមប្រាមការបញ្ចាំងភាពយន្ត Barbie នៅក្នុងប្រទេសនេះ ព្រោះវាបានបង្ហាញផែនទីដែលមានបន្ទាត់ប្រាំបួនខ្សែដែលប្រើនៅលើផែនទីផ្លូវការរបស់ចិន។

លោក ង្វៀន កាក់សាង (Nguyen Cac Sang) អ្នកស្រាវជ្រាវនយោបាយ ប្រាប់ AFP ថា ដំណើរ​ទស្សនកិច្ច​របស់​មេដឹកនាំ​ចិន ​គឺជា​ឱកាស​សម្រាប់​ទីក្រុង​ប៉េកាំង​ដើម្បី​ទាក់ទាញ​វៀតណាម​ឲ្យ​កាន់តែ​ជិតស្និទ្ធ តាម​រយៈ​គោលនយោបាយ​ការបរទេស​នៃ​សម័យ​លោក ហ្ស៊ី ក្នុង​គោលការណ៍​កសាង​សហគមន៍​ជាមួយ​អនាគត​រួម ។

«ទោះបីវៀតណាមនៅតែប្រុងប្រយ័ត្នចំពោះការចូលរួមគំនិតផ្តួចផ្តើមនយោបាយ ដែលដឹកនាំដោយប្រទេសចិនក៏ដោយ ប៉ុន្តែយើងក៏អាចរំពឹងថា នឹងឃើញវឌ្ឍនភាពបន្ថែមទៀតនៅក្នុងកិច្ចសហប្រតិបត្តិការសេដ្ឋកិច្ច ពិសេសការអភិវឌ្ឍន៍ ហេដ្ឋារចនាសម្ព័ន្ធ និងការផ្លាស់ប្តូរទៅជាថាមពលស្អាត» លោក កាក់សាង និយាយ ។

ប្រព័ន្ធផ្សព្វផ្សាយដែលគ្រប់គ្រងដោយរដ្ឋរបស់វៀតណាម បានរាយការណ៍កាលពីខែមុនថា China Rare Earth Group Co. កំពុងសម្លឹងមើលឱកាសដើម្បីធ្វើការជាមួយក្រុមហ៊ុនរុករករ៉ែដ៏ធំរបស់វៀតណាម Vinacomin ៕