សមរភូមិ ក្បែរព្រំដែនឥណ្ឌា
ដោយ ម៉ារ៉ា៖
តាមគេហទំព័រ pptvhd36 របស់ថៃបានផ្សាយនៅថ្ងៃនេះ (១២ មករា) ថា កងទ័ពឥណ្ឌារាយការណ៍ឲ្យដឹងថា ពីរកន្លងមក មានទាហានមីយ៉ាន់ម៉ា (ភូមា) ជាង ៤០០ នាក់បានឆ្លងព្រំដែនចូលក្នុងទឹកដីរបស់ខ្លួន ដើម្បីគេចពីពីការតស៊ូកងកម្លាំងជនជាតិភាគតិច ។
ឧត្តមសេនីយ៍ ម៉ាណយ ប៉ង់ដេ អគ្គមេបញ្ជាការកងទ័ពឥណ្ឌា បានសម្តែងការព្រួយបារម្ភចំពោះស្ថានការណ៍តានតឹងនៅតាមបណ្តោយព្រំដែនជាមួយមីយ៉ាន់ម៉ា ដែលជាកន្លែងដែលទាហានមីយ៉ាន់ម៉ាកំពុងប្រយុទ្ធជាមួយក្រុមជនជាតិភាគតិចឈិន ។
កងកម្លាំងជនជាតិឈិន
លោក ម៉ាណយ បានបញ្ជាក់ថា ក្នុងរយៈពេល ២ខែកន្លងមកនេះ មានទាហានមីយ៉ាន់ម៉ា ៤១៦នាក់ ត្រូវបានរកឃើញថា បានឆ្លងព្រំដែនចូលទឹកដីឥណ្ឌា ដើម្បីគេចពីការប្រយុទ្ធ ប៉ុន្តែពួកគេទាំងអស់ត្រូវបានបញ្ជូនត្រឡប់ទៅប្រទេសមីយ៉ាន់ម៉ាវិញ ។
ឧត្តមសេនីយ ម៉ាណយ ក៏បានឲ្យដឹងផងដែរថា មានក្រុមបះបោរសកម្មនៅក្នុងប្រទេសមីយ៉ាន់ម៉ា ព្យាយាមឆ្លងព្រំដែនចូលប្រទេសឥណ្ឌា និងបង្កើតមូលដ្ឋាន។ បញ្ហានេះបានធ្វើឱ្យកងកាំភ្លើង អាសាម ដែលទទួលបន្ទុកតំបន់ព្រំដែនភាគឦសានប្រទេសឥណ្ឌា បង្កើនកម្លាំងរបស់ខ្លួន ហើយមានសំណើពង្រីករបងព្រំដែននៅ ម៉ានីពួ និង មីហ្សូរណាម ៕