ឧក្រិដ្ឋកម្មរើសអើងពូជសាសន៍អាស៊ីនៅក្នុងសហរដ្ឋអាមេរិកកើនឡើង ១៥០% បានបណ្តាលឲ្យជនជាតិអាស៊ី នាំគ្នាទិញកាំភ្លើងការពារខ្លួន
អត្ថបទ សូរ្យសែង៖
ការផ្ទុះឡើងនៃជំងឺកូវីដ-១៩ នេះ បានជំរុញឱ្យមានការលក់កាំភ្លើងកើនឡើងនៅសហរដ្ឋអាមេរិកនេះបើយោងតាមសមាគមពាណិជ្ជកម្មជាតិអាមេរិកសម្រាប់ឧស្សាហកម្មអាវុធ លទ្ធផលនេះបានធ្វើឱ្យអ្នកទិញកាំភ្លើងជាង ៨,៤ លាននាក់ និង ៣៩,៦៩ លានដើម នៅក្នុងការលក់កាំភ្លើងសរុបក្នុងឆ្នាំ ២០២០ ។
ហេតុដូច្នេះហើយ ទើបស្ថានឯកអគ្គរាជទូតកម្ពុជា ប្រចាំសហរដ្ឋអាមេរិក បានចេញសេចក្តីជូនដំណឹង ដលើពលរដ្ឋខ្មែរ ដែលរស់នៅសហរដ្ឋ ចូរប្រុងប្រយត្នពីឧក្រិដ្ឋកម្មការរើសអើងពូជសាសន៍នៅក្នុងសហរដ្ឋអាមេរិក ។
ទោះយ៉ាងណា នៅដើមឆ្នាំ ២០២០ មានអ្នកទិញកាំភ្លើងជនជាតិអាស៊ីមិនដល់ ៤% ផង ប៉ុន្តែជិតមួយឆ្នាំក្រោយមក ជនជាតិអាស៊ីនៅសហរដ្ឋអាមេរិកបានរងគ្រោះដោយសារការរើសអើងជាតិសាសន៍ ដែលត្រូវបានគេស្តីបន្ទោសចំពោះការផ្ទុះឡើងនៃវីរុសកូរ៉ូណា ។
ឧក្រិដ្ឋកម្មពីការស្អប់ខ្ពើមចំពោះជនជាតិអាមេរិកដើមកំណើតអាស៊ី បានកើនឡើង ១៤៩%ក្នុងឆ្នាំ ២០២០ ស្របពេលដែលឧក្រិដ្ឋកម្មទូទៅបានធ្លាក់ចុះ ៧% វិញ ពីការសិក្សាស្ទង់មតិរបស់តម្រួតដោយសកលវិទ្យាល័យកាលីហ្វ័រនៀ សាន់បឺណាឌីណូ ។
ក្រុមអ្នកស្រាវជ្រាវបានរកឃើញថា ឧក្រិដ្ឋកម្មពីការស្អប់ខ្ពើមពូជសាសន៍មានការកើនឡើងនៅក្នុងខែមីនា និងខែមេសាឆ្នាំ ២០២០ ចំពេលមានការរីករាលដាលនៃជំងឺកូវីដ-១៩ ហើយឥរិយាបថអវិជ្ជមានចំពោះប្រជាជនអាស៊ី ដែលពាក់ព័ន្ធនឹងការរាតត្បាតនៃមេរោគ បានជំរុញឱ្យប្រជាជនអាស៊ីផ្លាស់មកទិញអាវុធកាន់តែច្រើនឡើងៗ ។
លោក ជីម្មី គង់ (Jimmy Kong) ម្ចាស់ហាងលក់កាំភ្លើង Jimmy's Sport Shop នៅញូវយ៉កបាននិយាយថា ជនជាតិអាមេរិកាំងកាត់អាស៊ី បានទិញកាំភ្លើងកាន់តែច្រើន ចំពេលមានឧក្រិដ្ឋកម្មភាពស្អប់ខ្ពើមរសើអើងកាន់តែខ្លាំងឡើង បន្ទាប់ពីការផ្ទុះឡើងនៃវីរុសនេះ និងមិនដែលមានវប្បធម៌កាន់កាំភ្លើងនៅក្នុងសហគមន៍អាស៊ីទេ ។
មិនត្រឹមតែហាង Jimmy’s តែមួយប៉ុនណោះទេ ហាងផ្សេងទៀត ដូចជា Poway Weapons & Gear ក្នុងរដ្ឋខាលីហ្វ័រនៀ ក៏មានជនជាតិអាស៊ីកាត់អាមេរិកាំងទិញ កើនដល់ ២០% ក្នុងឆ្នាំកន្លងមក ។ ហាង Towers Armory ក៏មានជនជាតិអាស៊ី ៥-៦ នាក់ក្នុងមួយថ្ងៃមកទិញកាំភ្លើង ។ ហាង Wade’s Eastside Guns ក្នុងរដ្ឋវ័រស៊ីងតុន ក៏ដូចគ្នា ក្រោយរោករាតត្បាត ការទិញអាវុធបានកើនឡើង ។ លោក ដេវីដ លីវ ម្ចាស់ហាងលក់កាំភ្លើង Arcadia Firearm & Safety ក្នុងរដ្ឋខាលីហ្វ័រនៀ ក៏បាននិយាយថា កាលពីសប្តាហ៍កន្លងទៅ អ្នកទិញកាំភ្លើងជនជាតិអាស៊ីបាននិយាយថា ឧក្រិដ្ឋកម្មពូជសាសន៍អាស៊ីកាត់អាមេរិកាំងបានកើនឡើងខ្ពស់ ដូច្នេះតម្រូវឲ្យយើងរកឧបករណ៍ការពារខ្លួនដោយខ្លួនឯង ៕
រូបថត GEORGE FREY / AFP
ប្រភពពីវេបសាយ posttoday
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម