ទីភ្នាក់ងារសារព័ត៌មានចិនស៊ីនហួបានរាយការណ៍កាលពីថ្ងៃពុធ ទី ១៩ ខែឧសភា ឆ្នាំ ២០២១ វេលាម៉ោង១២.០៣ (ម៉ោងក្នុងស្រុក ) ប្រទេសចិនបានបាញ់បង្ហោះរ៉ុក្កែត Long March-4B ដែលផ្ទុកផ្កាយរណប Haiyang-2D ដែលជាផ្កាយរណបសង្កេតការណ៍តាមសមុទ្រថ្មី ចូលទៅក្នុងតារាវិថី ដែលបង្ហោះចេញពីមជ្ឈមណ្ឌលបាញ់បង្ហោះផ្កាយរណប ជីយូកាន នៅភាគពាយព្យប្រទេសចិន ។

ផ្កាយរណប Haiyang - 2D នឹងផ្សំជាមួយផ្កាយរណប Haiyang-2B (HY-2B) និង Haiyang-2C (HY-2C) បង្កើតជាប្រព័ន្ធសង្កេតបរិស្ថានបរិយាកាសនៃមហាសមុទ្រដែលមានការប្រែប្រួល អាចប្រើបានគ្រប់ពេលគ្រប់ស្ថានភាពអាកាសធាតុទាំងតំបន់មធ្យម និងតំបន់ធំ ។

ក្រុមផ្កាយរណបនេះនឹងគាំទ្រដល់ការជូនដំណឹងហានិភ័យជាមុន និងការព្យាករណ៍អំពីគ្រោះមហន្តរាយតាមសមុទ្ររបស់ vចិន ការអភិវឌ្ឍនិរន្តរភាព និងការប្រើប្រាស់ជាប្រយោជន៍ពីធនធានក្នុងមហាសមុទ្រ ការទប់ទល់នឹងការប្រែប្រួលអាកាសធាតុពិភពលោក ក៏ដូចជាបេសកកម្មស្វែងរកនៅក្នុងមហាសមុទ្រ ប្រកប​ដោយប្រសិទ្ធភាព ។

ផ្កាយរណប Haiyang-2D ត្រូវបានបង្កើតឡើងដោយបណ្ឌិត្យសភាបច្ចេកវិទ្យាអវកាសចិន(China Academy of Space Technology) ចំណែកកាំជ្រួចដឹកជញ្ជូន Long March-4B ត្រូវបានបង្កើតឡើងដោយបណ្ឌិត្យសភា បច្ចេកវិទ្ យាធ្វើដំណើរដោយាយនអវកាសសៀងហៃ (Shanghai Academy of Spaceflight Technology) ហើយនិងការបាញ់បង្ហោះលើកនេះ គឺជាបេសកកម្មលើកទី ៣៧០ របស់កាំជ្រួច ដឹកជញ្ជូន«ត្រកូល Long March» ។

នេះ បន្ទាប់ពីអំណាចចិនបានបង្ហោះយានអវកាស «ស៊ូរ៉ុង» ទៅចតនៅពភព្រះអង្គារបានដោយជោគជ័យ ក្នុងបេសក កម្ម «ធានវិន-១» កាលពីថ្ងៃទី ១៥ ខែឧសភា ។ ការសម្រេចបានជោគជ័យនេះហើយ ដែលសម្តេចតេជោ ហ៊ុន សែន បានចូលរួមអបអរសាទរជាមួយរដ្ឋាភិបាលរបស់លោក ហ្ស៊ី ជិនពីង ប្រធានាធិបតីចិន និងប្រជាជនចិន ពីការរីក ចម្រើនជាបន្តបន្ទាប់ក្នុងកម្មវិធីអវកាស និងការរុករកក្នុងលំហអាកាសរបស់ចិន ៕