​វា​ជា​ជំនឿ​របស់​ប្រជាជន​តាំង​បរម​បុរាណ អំពី «​តួលេខ​» នាំ​ជោគ​លាភ និង នាំ «​សិរី​មង្គល​» ក្នុង​គ្រួសារ​របស់គេ ។ ខាងក្រោម​នេះ​ជាការ​ពន្យល់ថា​តើ​តួលេខ​ណា​នាំ «​មង្គល​» តួលេខ​ណា​នាំ «​ស៊យ » ។​

​លេខ 2,6,8 ចាត់ទុកថា​ជា​លេខ​នាំ «​ជោគ​» របស់​ប្រជាជន​ចិន ។ ឯ​លេខ 9 ជា​លេខ​ល្អ គេ​និយម​ប្រើ​ក្នុង​ពិធី «​មង្គលការ​» ដែល​ប្រជាជន​ចិន​មានជំនឿថា ជា​លេខ​រកស៊ី​មានបាន គ្មាន​ឧបសគ្គ ក្នុង​ជិវិត​មាន​មាស ប្រាក់ ។ ចំណែក​លេខ 4 ជំនឿ​ឱ្យ​ចៀសវាង​ប្រើ ក្នុងការ​រកស៊ី​ជួញដូរ មិន​ថា​ស្លាក​លេខ​រថយន្ត លេខ​ផ្ទះ ពីព្រោះ​លេខ 4 ជា​តួលេខ មិនមាន​សិរី​មង្គល​ឡើយ ។​

​លេខ 2 ជា​លេខ​ដែល​បាន​អ្វី​មក​ដោយ​ស្រួល ជា​គូ​ជាមួយ​លេខ 6 ជា​មាគ៌ា​នាំទៅរក​ភាព​សម្រេច​ជោគជ័យ ។ លេខ 8 ស្មើ Double Lucky មាន​ភាពសម្បូរ​សប្បាយ ភាព​សម្រេច ប្រជាជន​ចិន​ជឿថា លេខ 8 ជា​លេខ​មានសំណាង សម្រេចការ​បាន​គ្រប់យ៉ាង ។ ចំណែក​លេខ 3 មានន័យ​ដល់​ការ​មានកំណើត ដែល​ចាត់ទុកជា​លេខ​ល្អ​មួយ​ដែរ ។​

​ចំណែក​លេខ​មិនល្អ​របស់​ចិន គឺ​លេខ 4 មាន​អត្ថន័យ​ថា​មិនល្អ ប្រែ​ថា «​ស្លាប់​» ។ ប្រជាជន​ចិន​ភាគច្រើន​នាំគ្នា​គេច​លេខ « 4 »​នេះ ។ លេខ 1 ចាត់ទុកថា​ជា​លេខ​មិនមាន «​មង្គល​» ដូច​លេខ 5 ដែរ ពាក់ព័ន្ធ​ជាមួយនឹង​ពាក្យ«​មិន​» មានន័យថា«​មិន​សម្រេច​, មិន​សម្បូរ» ប៉ុន្តែ​បើ​បូករួម​ជាមួយ​លេខ 4 ស្មើ​លេខ 54 មានន័យថា «​មិន​ស្លាប់​» គឺជា​លេខ​ល្អ ។ ចំណែក​លេខ​ដែល​មិនមាន មង្គល គឺ​លេខ 7 ប្រជាជន​ចិន​ចាត់ទុកថា​ជា​លេខ​ខ្មោច ឬ មរណៈ ឬ កំហឹង​ក្រេវ​ក្រោធ ។​

​ចំណែក​លេខ​ដែល​មិន​នាំ​ជោគ​ផ្សេងទៀត គឺ​លេខ 13 ។ ពី​ដើម​មក​ប្រជាជន​ចាត់ទុកថាលេខ 13 ជា​លេខ​ល្អនាំ​សំណាង​ ប៉ុន្តែ​នៅពេល​បូក​ចូលគ្នា​ជាមួយ​​លេខ 1 ទៅ ស្មើ 4 ទើប​ជា​លេខ​មិនល្អ នាំ​ឧបទ្រពចង្រៃ​មក​ភ្លាម ។ បន្តម​កទៀត លេខ​ដែល​ប្រជាជន​ចិនមាន​ជំនឿ​ជា​លេខ​អាក្រក់​បំផុត ក្នុង​បណ្តា​លេខ​អាក្រក់​ទាំងអស់នោះ គឺ​លេខ 14 លេខ 1 ដែល​នៅក្នុង​លេខ 14 ចេញ​សំលេង​ភាសា​ចិន Shi si គឺ «​ស្លាប់​» នោះឯង ៕       ​សូរ្យ​រិ​ទ្ធ