ថ្ងៃទី 10 ខែមិថុនា ឆ្នាំ 2025 កាសែតថៃផ្សាយថា សមត្ថកិច្ចពាក់ព័ន្ធគ្រប់ផ្នែករបស់ថៃ បាននាំយកដីកាឆែកឆេរទីតាំងខាងក្នុង​អគារ​ស្នាក់​នៅ​ប៉ូលិសផ្នែក​កណ្តាល អគារ​១០ ជាន់​ទី​២ ជា​កន្លែង​ស្នាក់​នៅ​របស់ជនជាប់ចោទ គឺវរសេនីយ៍ឯក វេជ្ជបណ្ឌិត អញ្ញ ជូលី ឬ «ពេទ្យ អ៊ែរ» រួមនឹងការចាប់ខ្លួនបុរសម្នាក់ទៀត ដែលសារភាពថាជាអ្នកមើលថែ និងដកហូតវត្ថុតាងថ្នាំញៀ.ន ប្រភេទ អាល់ប្រាហ្សូឡាម(Alprazolam) ឬថ្នាំងងុយដេក ឬថ្នាំសម្រើបស្តី្រក្នុងអំពើរំលោភ​សេពសន្ថវៈ វេចខ្ចប់ ១០ ប្រអប់ធំ ទុកនៅក្នុងបន្ទប់។

លោកវេជ្ជបណ្ឌិត Witit Srisatidchaikul អគ្គលេខាធិការរងនៃរដ្ឋបាលចំណីអាហារ និងឱសថ (FDA) បានបង្ហាញថា មានភាពមិនប្រក្រតីដែលត្រូវបានរកឃើញនៅក្នុងការបញ្ជាទិញ alprazolam នៃថ្នាំខាងលើ ។ នៅក្នុងការស៊ើបអង្កេត គេបានរកឃើញថា វេជ្ជបណ្ឌិតប៉ូលិសស្រីបានបញ្ជាទិញថ្នាំពី FDA ពីឆ្នាំ 2022-2025 ក្នុងតម្លៃ 15 លានបាត។ គេ​បាន​រក​ឃើញ​ថា គ្លីនិក​ចំនួន ១១ កំពុង​ក្លែង​បន្លំ​ដើម្បី​បញ្ជា​ទិញ​ថ្នាំ ដោយ​មាន​ការ​ចរាចរ​រហូត​ដល់​ទៅ ៨០ លាន​បាត។ វេជ្ជបណ្ឌិត​ស្រី​គឺ​ជា​មនុស្ស​តែ​ម្នាក់​គត់​ដែល​បញ្ជា​ទិញ និង​បង់​ប្រាក់។

ឧត្តមសេនីយទោ Suchart Thirasawat អតីតអគ្គស្នងការរងនគរបាលជាតិថៃនិយាយថា មន្ត្រីជំនាញបានប្រមូលភស្តុតាង រហូតរកឃើញថា មានប្រតិបត្តិការជួញដូរក្រៅផ្លូវការ ដោយអនុញ្ញាតឲ្យអ្នកខាងក្រៅស្នាក់នៅក្នុងអគាររដ្ឋាភិបាល និងលក់គ្រឿងញៀន។ វេជ្ជបណ្ឌិត​ស្រី​រូប​នេះ​នឹង​ត្រូវ​មាន​ពិរុទ្ធ​ទាំង​វិន័យ និង​ព្រហ្មទណ្ឌ​ចំពោះ​ការ​ផ្តល់​សិទ្ធិ​ស្នាក់​នៅ​ដល់​ជន​ក្រៅ និង​លក់​សារធាតុ​ញៀន​ប្រភេទ​ទី​២ និង​ទី៤ ដែល​មាន​ទោស​ដូច​គ្នា​នឹង​គ្រឿង​ញៀន ការ​លាង​លុយ​កខ្វក់ និង​ត្រូវ​រឹប​អូស​យក​ទ្រព្យ​សម្បត្តិ​របស់​នាង។ ព័ត៌មាន​ដំបូង​បង្ហាញ​ថា​ មាន​គ្រូពេទ្យ​ប្រមាណ​៥​នាក់​ផ្សេង​ទៀត​ចូលរួម​ក្នុង​ប្រតិបត្តិការ​នេះ ៕

by naewna + matichon