សមាជិក ១៩៣ ប្រទេសនៅក្នុងមហាសន្និបាតអង្គការសហប្រជាជាតិ បានមតិជាឯកច្ឆន្ទ តែងតាំងលោក អាន់តូនីអូ ហ្គូតឺរ៉េស (Antonio Guterres) អតីតនាយករដ្ឋមន្ត្រីព័រទុយហ្គាល់ ជាអគ្គលេខាធិការអង្គការសហប្រជាជាតិអាណត្តិទី ២ ដែលមានរយៈពេល ៥ ឆ្នាំ ដោយចាប់ផ្តើមពីថ្ងៃទី ១ ខែមិថុនា ឆ្នាំ ២០២១ តទៅ ។

ព័ត៌មានពីទីក្រុងញូវយ៉ក សហរដ្ឋអាមេរិក បានរាយការណ៍នៅថ្ងៃទី ១៨ ខែមិថុនាថា ឯកអគ្គរដ្ឋទូតនៃប្រទេសសមាជិកអង្គការសហប្រជាជាតិចំនួន ១៩៣ បានអបអរសាទរសម្តែងការស្វាគមន៍ ក្រោយពីលោក វ៉ុលកាន បូស្គី (Volkan Bozkir) ប្រធានមហាសន្និបាតអង្គការសហប្រជាជាតិ (UNGA) បានប្រកាសតែងតាំង ដោយមិនចាំបាច់បោះឆ្នោត ឲ្យលោក Antonio Guterres អាយុ ៧២ ឆ្នាំជាអគ្គលេខាធិការអង្គការសហប្រជាជាតិ ក្នុងមួយអាណត្តិទៀតសម្រាប់រយៈពេល ៥ ឆ្នាំនៅនៅទីស្នាក់ការកណ្តាលរបស់ខ្លួននៅក្នុងទីក្រុងញូវយ៉ក ។

មុនការប្រកាសរបស់លោក បូស្គី លោក Sven Jurgenson ឯកអគ្គរដ្ឋទូតតំណាងអចិន្ត្រៃយ៍ប្រចាំនៅអេស្តូនី របស់អង្គការសហប្រជាជាតិ ក្នុងនាមជាប្រធានាធិបតីបច្ចុប្បន្ន នៃក្រុមប្រឹក្សាសន្តិសុខអង្គការសហប្រជាជាតិ (UNSC) បាន អានសេចក្តីសម្រេចរបស់អង្គការជាសមាជិកចំនួន ១៥ ប្រទេស ដែលបានផ្តល់អនុសាសន៍មហាសន្និបាត ជ្រើសរើសលោក Guterres ដើម្បីធ្វើជាអគ្គលេខាធិការអង្គការសហប្រជាជាតិសម្រាប់អាណត្តិមួយទៀត ៕

 អត្ថបទ សាវុឌ្ឍ