សូមពលរដ្ឋខ្មែរនៅប្រទេសថៃ ចៀសវាងចូលរួម ឬទៅជិតក្រុមបាតុកម្ម ដែលនឹងធ្វើនៅថ្ងៃទី ២៨ ខែមិថុនា ដោយប៉ូលិសថៃនឹងតាមឃ្លាំមើលជនទីបី និងពលរដ្ឋកម្ពុជា បង្កចលាចល ឬប្រើហឹង្សា
ការិយាល័យប៉ូលិសក្រុងបាងកក បានបើកកិច្ចប្រជុំមួយនៅរសៀលថ្ងៃនេះ (២៤ មិថុនា) រកវិធានការទប់ទល់ជាមួយក្រុមបាតុករឈ្មោះ ផាឡាំងផែនឌិន ដែលនឹងប្រមូលផ្តុំគ្នានៅថ្ងៃទី ២៨ ខែមិថុនា នៅវិមានអនុស្សាវរីយឆៃសមរភូមិ ។ ប៉ូលិសស៊ើបអង្កេត មិនទាន់ប្រទះឃើញភាគីទីបីប៉ុនប៉ងបង្កចលាចល តែប៉ូលិសបញ្ជាក់ថា នឹងមិនធ្វេសប្រហែសទេ ព្រោះអាចមានក្រុមបង្កហឹង្សានាពេលកន្លងមក ហើយពួកគេកំពុងតាមឃ្លាំមើលពលរដ្ឋខ្មែរដែលអាចចូលរួមបាតុកម្មជាមួយ ។ គេប៉ាន់ស្មានថា ចំនួនមនុស្សនឹងមកជួបជុំគ្នា មានប្រហែល ៣.០០០នាក់ ប៉ុន្តែគេជឿថា អាចមានច្រើនជាងនេះដែលនឹងធ្វើដំណើរមកពីខេត្តផ្សេងៗ
កម្លាំងប៉ូលិស នឹងឃ្លាំមើលយ៉ាងដិតដល់ចំពោះប្រជាពលរដ្ឋដែលចូលក្នុងតំបន់នេះ ដោយបង្កើតប៉ុស្តិ៍ត្រួតពិនិត្យអាវុធ និងកាបូប និងតាមឃ្លាំមើលពលរដ្ឋខ្មែរដែលអាចចូលរួមបាតុកម្មដោយហេតុផលសុវត្ថិភាព ប៉ុន្តែព័ត៌មានលម្អិតមិនទាន់អាចបង្ហាញបាននៅឡើយ ៕
ដោយ Bong SoRith
អត្ថបទប្រហាក់ប្រហែល
ពាណិជ្ជកម្ម
អត្ថបទថ្មីៗ
អត្ថបទពេញនិយម