បកប្រែពី thairath
ដោយ សូរ្យសែង៖
BBC រាយការណ៍ថា ក្រសួងព័ត៌មាន និងបច្ចេកវិទ្យាអេឡិចត្រូនិចឥណ្ឌា បានផ្ញើលិខិតទៅក្រុមហ៊ុនបណ្តាញសង្គមផ្សេងៗ នៅថ្ងៃសុក្រទី ២១ ខែឧសភាឆ្នាំ ២០២១ ដើម្បីអនុវត្តតាមបទបញ្ជារបស់រដ្ឋាភិបាលឥណ្ឌា ឲ្យលុបចោលចេញនូវអត្តសញ្ញាណ«មេរោគកូវីដបម្លែងឥណ្ឌា ឬ ពូជឥណ្ឌា(Indian variant)» ចេញពីវេទិកា Flatform ជាបន្ទាន់ ។
លិខិតនោះមិនត្រូវបានផ្សព្វផ្សាយជាសាធារណៈទេ ប៉ុន្តែបានធ្លាក់ដល់ប្រព័ន្ធផ្សព្វផ្សាយជាច្រើន រួមទាំង BBC និង AFP ដោយមានសេចក្តីថ្លែងការណ៍មួយនិយាយថា យើងដឹងថា ពាក្យបង្កើតឡើងវាមិនពិតកំពុងត្រូវបានផ្សព្វផ្សាយតាមអ៊ីនធឺណិត ដែលថា «វីរុសកូរ៉ូណាហ្សែនឥណ្ឌា» កំពុងរីករាលដាលពាសពេញប្រទេស នេះជារឿងមិនពិតទេ ។
សេចក្តីថ្លែងការណ៍បានបញ្ជាក់បន្ថែមទៀតថា អង្គការសុខភាពពិភពលោក (WHO) មិនដែលភ្ជាប់ពាក្យនេះថាជា «មេរោគពូជឥណ្ឌា» ឬកូវីដ-១៩ បម្លែងឈ្មោះ «B.1.617 ពីឥណ្ឌា» នៅក្នុងរបាយការណ៍របស់ពួកគេឡើយ ។
ទោះយ៉ាងណា មេរោគនេះត្រូវបានគេមើលឃើញជាលើកដំបូងនៅក្នុងប្រទេសឥណ្ឌាកាលពីឆ្នាំមុន និងរាលដាលដល់ប្រទេសជាច្រើន ដូចជាប្រទេសអង់គ្លេស ជាដើម ដែលគេតែងហៅថា «មេរោគបម្លែងអង់គ្លេស» និងរួមទាំងមេរោគកូវីដបម្លែងប្រេស៊ីលផងដែរ ។
យ៉ាងំណាក៏ដោយ នៅក្នុងឆ្នាំនេះ រដ្ឋាភិបាលឥណ្ឌាបានចេញបញ្ជាថ្មី ដើម្បីគ្រប់គ្រងការប្រើប្រាស់បណ្តាញសង្គម និងការប្រើប្រាស់មិនត្រឹមត្រូវ ហើយបណ្តាលឲ្យចែកចាយខ្លឹមសារខុស ដូច្នេះឥណ្ឌាបានបញ្ជាឲ្យបណ្តាញសង្គមទាំងអស់លុបពាក្យខាងលើចោល បើមិនដូច្នោះទេ នឹងដំណើរការតាមច្បាប់ ៕